Gold Rates Today : మళ్లీ షాకిచ్చాయిగా.. నేడు బంగారం, వెండి ధరలు ఎంతంటే?

బంగారం ధర ఒక్కసారి పెరిగి కొండెక్కి కూర్చుంటే మళ్లీ దిగిరావడం అనేది జరగదని జ్యుయలరీ దుకాణాల యాజమాన్యం చెబుతుంది. ఒకవేళ తగ్గినా పదో పరకో తప్పించి పెరిగినంత స్థాయిలో ఖచ్చితంగా చెప్పవచ్చని వారు అనుభవ పూర్వకంగా చెబుతున్నారు. బంగారానికి డిమాండ్ లేకపోయినా వాటి విలువ మాత్రం ఎన్నటికీ తగ్గదని, అందుకే బంగారం విషయంలో భారీగా ధరలు తగ్గుతాయని వస్తున్న వార్తలు కూడా శుద్ధ అబద్ధమని వ్యాపారులు కొట్టిపారేస్తున్నారు. బంగారానికి మించిన పొదుపు చేసే అవకాశం మరొకటి లేకపోవడం, భూములను కొనుగోలు చేయడానికి కొనుగోలు శక్తి లేకపోవడంతో కొందరు ఖచ్చితంగా బంగారం వైపు మొగ్గు చూపుతున్నారన్న అభిప్రాయమూ వ్యక్తమవుతుంది.

బంగారం అంటే కేవలం సెంటిమెంట్ గానే చూడరు. స్టేటస్ సింబల్ గానూ చూస్తారు. అందుకే బంగారం, వెండి ధరలు నిత్యం పరుగు పెడుతూనే ఉంటాయి. అయితే వాటిని కొనుగోలు చేసినంత మాత్రాన ఎలాంటి పరిస్థితుల్లో నష్టం ఉండదని కూడా వ్యాపారులు చెబుతున్నారు. బంగారంపై పెట్టుబడి సురక్షితంగానే ఉంటుందంటున్నారు. ఈరోజు దేశంలో బంగారం ధరలు స్వల్పంగా పెరిగాయి. వెండి ధరలు స్థిరంగా కొనసాగుతున్నాయి. హైదరాబాద్ బులియన్ మార్కెట్ లో ఉందయం ఆరు గంటలకు నమోదయిన బంగారం, వెండి ధరలు ఇలా ఉన్నాయి. 22 క్యారెట్ల పది గ్రాముల బంగారం ధర 94,060 రూపాయలుగా కొనసాగుతుంది. 24 క్యారెట్ల పది గ్రాముల బంగారం ధర 1,02,610 రూపాయలకు చేరుకుంది. కిలో వెండి ధర 1,29,900 రూపాయలుగా ఉంది. మధ్యాహ్నానికి బంగారం, వెండి ధరల్లో మార్పులు ఉండే అవకాశముంది.