Ys Jagan : కొత్త ఏడాదిలోనైనా జగన్ నిర్ణయం తీసుకుంటారా?

దీనికి ప్రధాన కారణం నేతలను నియోజకవర్గాలను మార్చడం కూడా అని చెబుతున్నారు. జగన్ ఏకపక్షంగా సర్వే నివేదికలను నమ్మి ఇష్టారీతిన నాయకులను ఇతర నియోజకవర్గాలకు బదిలీ చేశారు. కానీ బదిలీ చేసిన ఏ ఒక్క నియోజకవర్గంలోనూ ఒక్క నేత కూడా గెలవలేదు. ఎమ్మెల్యేలపై అసంతృప్తి ఉందన్న కారణంగా నేతలను మార్చినా.. వారు అక్కడకు వెళ్లి క్యాడర్ ను కలుపుకునే సమయం లేకపోవడం కూడా రాజకీయంగా ఇబ్బందికరంగా మారిందన్న విశ్లేషణలు బలంగా వినిపించాయి. అందుకే ఈసారి జగన్ ఈ ఏడాది నియోజకవర్గాల ఇన్ ఛార్జుల విషయంలో కీలక నిర్ణయం తీసుకోవాల్సి ఉంటుందని సీనియర్ నేతలు సయితం అభిప్రాయపడుతున్నారు. మరొకవైపు కొత్త ఏడాదిలో జగన్ చుట్టు ఉన్న కేసులు కూడా తేలి ఆయన ఇబ్బంది పడే అవకాశాలు కూడా లేకపోలేదన్న వాదన వినిపిస్తుంది.

ఎన్నికలకు ముందు తీసుకునే నిర్ణయాలు చాలా వరకూ వికటించే అవకాశాలుంటాయి. అందులో ప్రతిపక్షంలో ఉండటంతో ఎన్నికలకు మూడేళ్ల ముందు నుంచి నియోజకవర్గంలో ప్రజాసమస్యలపై పోరాటం చేస్తూ ఇటు క్యాడర్ లోనూ, అటు ప్రజల్లోనూ మంచి పేరు తెచ్చుకోవాలంటే జగన్ ఈ ఏడాది ఇన్ ఛార్జులను నియమించుకుని వారే వచ్చే ఎన్నికల్లో అభ్యర్థులని పరోక్షంగా చెప్పాల్సి ఉంటుంది. చివరి నిమిషంలో ఒకటి అరా మార్పులున్నప్పటికీ కూటమి ప్రభుత్వంపై వచ్చే అసంతృప్తి తమకు గెలుపు ఖాయమని ధీమాగా ఉంటే రెండోసారి కూడా అపజయాన్ని మూటగట్టుకునే వీలుందని అంటున్నారు.అందుకే జగన్ ఇప్పటికైనా అతి విశ్వాసానికి పోకుండా ఈ ఏడాది నిర్ణయాలను అది ఏ రూపంలోనైనా తీసుకుంటేనే ఒడ్డున పడతారు. లేకుంటే..మళ్లీ అధికారానికి దూరం కాక తప్పదు.