Tirumala : తిరుమల శ్రీవారి బ్రహ్మోత్సవాలు చూతము రారండి

శ్రీవారి సాలికట్ల బ్రహ్మోత్సవాల్లో ప్రధానంగా గరుడ వాహన సేవకు లక్షలాది మంది భక్తులు హాజరవుతారు. ఆ సమయంలో ద్విచక్ర వాహనాలను కూడా తిరుమల కొండపైకి తిరుమల తిరుపతి దేవస్థానంఅధికారులు అనుమతించరు. గరుడ వాహనసేవఈ నెల 28వ తేదీన వచ్చింది. ఈరోజు లక్షలాదిమంది భక్తులు రావడంతో భారీగా పోలీసు బందోబస్తు ఏర్పాటుచేస్తున్నారు. భక్తులకు ఎలాంటి ఇబ్బందులు కలగకుండా అన్ని రకాలుగా అవసరమైన చర్యలు తీసుకునేందుకు తిరుమల తిరుపతి దేవస్థానం అధికారులు అన్నిఏర్పాట్లు చేస్తున్నారు.

ఈ నెల 24 వతేదీ నుంచి ప్రారంభమయ్యే శ్రీవారి సాలకట్ల బ్రహ్మోత్సవాలు వచ్చే నెల 2వ తేదీ వరకూ జరగనున్నాయి. సెప్టెంబర్ 23వ తేదీ సాయంత్రం అంకురార్పణతో ఈ ఉత్సవాలు ప్రారంభం కానున్నాయి. బ్రహ్మోత్సవాల్లో ప్రతి రోజు ఉదయం 8 గంటల నుంచి 10 గంటల వరకు మరియు సాయంత్రం 7 గంటల నుంచి 9 గంటల వరకూ వాహన సేవలు ఉంటాయి. వాహనసేవలసమయంలో మాడవీధుల్లో ప్రత్యేక ఏర్పాట్లను చేస్తున్నారు. భక్తులందరికీ మాడవీధుల్లో కూర్చుని వాహన సేవలు తిలకించేలా ఏర్పాట్లుచేస్తున్నారు