Mudragada : నేడు ముద్రగడ వైసీపీలో చేరిక

ముఖ్యంగా తూర్పు, పశ్చిమ గోదావరి జిల్లాలోని కాపు సామాజికవర్గంలో ప్రభావం చూపే ముద్రగడ పద్మనాభం వైసీపీలో చేరాలని నిర్ణయించుకున్నారు. ఆయనతో పాటు ఆయన కుమారుడు గిరి కూడా పార్టీలో నేడు చేరనున్నారు. ఎలాంటి షరతులు లేకుండా పద్మనాభం వైసీపీలో చేరాలని నిర్ణయించారు. తొలుత కిర్లంపూడి నుంచి తాడేపల్లికి ర్యాలీగా వెళ్లాలని భావించినా పోలీసులు అనుమతివ్వకపోవడంతో కేవలం కుటుంబ సభ్యులతో మాత్రమే ఆయన పార్టీలో చేరుతున్నారు. ఈ ఎన్నికల్లో తాను పోటీ చేయడం లేదని చెప్పారు.