మహానాడుపై భానుడి ప్రతాపం

రాజమండ్రి శివార్లలోని వేమగిరి వద్ద టీడీపీ మహానాడుకు భారీ ఏర్పాట్లు చేసింది. నేడు పార్టీ ప్లీనరీ సమావేశం జరుగుతుండగా.. సుమారు 15 వేల మంది హాజరైనట్లు తెలుస్తోంది. రేపు 10 లక్షల మంది ప్రజలు మహానాడు సభకు హాజరవుతారని అంచనా. ఈ నేపథ్యంలో 1700 మంది పోలీసులు మహానాడు వద్ద పటిష్ట బందోబస్తు నిర్వహిస్తున్నారు. అవాంఛనీయ ఘటనలు జరగకుండా చర్యలు తీసుకుంటున్నారు. వాహనాదారులు ఇబ్బంది పడకుండా ట్రాఫిక్ ను మళ్లించారు. కాగా.. మహానాడులో పసందైన గోదావరి, కోస్తాంధ్ర విందులు ఏర్పాటు చేశారు. 1500 మంది వంటవాళ్లతో.. 200 రకాల వంటకాలను సిద్ధం చేయించారు. వాటిలో ఫేమస్ కాకినాడ కాజా, గోదావరి కూరగాయల ఆవకాయలు, నోరూరించే వెజ్ రుచులెన్నో ఉన్నాయి.