పేర్నినాని ఇంటి ముట్డడికి జనసేన కార్యకర్తలు.. టెన్షన్

నిన్న మాజీ మంత్రి పేర్ని నాని జనసేన అధినేత పవన్ కల్యాణ్ ను ఉద్దేశించి చేసిన వ్యాఖ్యలకు నిరసనగా ఈ ముట్డడి చేసినట్లు జనసేన కార్యకర్తలు తెలిపారు. భీమవరంలో బాప్టిజం తీసుకున్నారని చెప్పిన పవన్ ఆయనేనా? అంటూ నాని ప్రశ్నించారు. పొరపాట్లు చేసిన వాళ్లే ప్రాయశ్చిత్తం చేసుకుంటారని, సూపర్ సిక్స్ హామీలు అమలు చేయలేకనే ప్రాయశ్చిత్త దీక్షలు చేస్తున్నారని ఎద్దేవా చేశారు. అంతేకాదు కొత్తగా హిందూమతం తీసుకున్న వారు ఒళ్లంతా నామాలు పెట్టుకుంటారని, తామంతా మొదటి నుంచి హిందువులేనంటూ పేర్ని నాని మండిపడ్డారు. దీనిని నిరసిస్తూ జనసేన కార్యకర్తలు మచిలీపట్నంలోని పేర్ని నాని ఇంటిని ముట్టడంచారు.