పవన్ ముఖ్యమంత్రిగా బాధ్యతలు చేపట్టనున్నారా?

నాలుగు రోజులు పాటు ఇన్ చార్జ్ ముఖ్యమంత్రి గా ఉప ముఖ్యమంత్రి పవన్ కల్యాణ్ బాధ్యతలు చేపట్టనున్నారు. ముఖ్యమంత్రి చంద్రబాబు నాయుడు సింగపూర్ పర్యటన నేపథ్యంలో పవన్ కి ఇంచార్జ్ బాధ్యతలు అప్పగించినున్నట్లు తెలిసింది. ఈ నెల 26 నుంచి 30 వరకు సింగపూర్‌లో సీఎం చంద్రబాబు బృందం టూర్ కు వెళ్లనుంది. సింగపూర్ లో పర్యటించి రాష్ట్రానికి రావాల్సిన పెట్టుబడులతో పాటు పరిశ్రమల ఏర్పాట్లు, అమరావతి రాజధాని నిర్మాణంలో సింగపూర్ ప్రభుత్వం భాగస్వామిగా ఉండాలని కోరేందుకు చంద్రబాబు ఈ పర్యటన చేయనున్నారు. ముఖ్యమంత్రి చంద్రబాబు వెంట నారా లోకేశ్ తో పాటు పలువురు మంత్రులు కూడా సింగపూర్ కు వెళ్లనున్నారు.