Montha Cyclone : తీరం దాటిన మొంథా తుపాను.. నేడు కూడా భారీ వర్షాలు

అయితే ఈ ప్రభావంతో తీరం వెంట గంటకు 85 నుంచి 95 కిలోమీటర్ల వేగంతో గాలులు వీస్తాయని వాతావరణ శాఖ వెల్లడించింది. తుపాను ప్రభావంతో కోస్తా తీర ప్రాంతంలోని అనేక జిల్లాల్లో భారీ వర్షాలు పడుతున్నాయి. ఈరోజు కోస్తాంధ్రతో పాటు తెలంగాణలోనూ కొన్ని జిల్లాలకు వాతావరణ శాఖ అధికారులు రెడ్ అలెర్ట్ జారీ చేశారు. ప్రధానంగా కోస్తా తీర ప్రాంతంలో ఉన్న జిల్లాల్లో అతి భారీ వర్షాలు పడతాయని వాతావరణ శఆఖ తెలిపింది. అలాగే ఈ ప్రభావంతో ఆంధ్రప్రదేశ్, తెలంగాణతో పాటు ఒడిశా, తమిళనాడు, కేరళ, కర్ణాటకలో కూడా వర్షాలు పడతాయని పేర్కొంది. ప్రజలు మరొక ఇరవై నాలుగు గంటల పాటు అప్రమత్తంగానే ఉండాలని వాతావరణ శాఖ హెచ్చరించింది.

అవసరమైతే తప్ప ప్రజలు ఇళ్లలో నుంచి బయటకు రావద్దని సూచించింది. ముఖ్యంగా భారీ వర్షాలకు చెట్లు, విద్యుత్తు స్థంభాలు వద్ద నిలబడరాదని, పునరావాస కేంద్రాల్లోనే ఈరోజు కూడా తలదాచుకోవాలని, సాయంత్రానికి వర్షం శాంతించే అవకాశముందని వాతావరణ శాఖ తెలిపింది. రేపటికి వాతావరణం సాధారణ స్థితికి చేరుకుంటుందని చెప్పారు. ప్రజలు ఇళ్లలోనే సురక్షితంగా ఉండాలని సూచించింది. అత్యవసరమైతే తప్ప దూర ప్రయాణాలను రద్దు చేసుకోవాలని కూడా ఏపీ విపత్తు నిర్వహణ సంస్థ అధికారులు తెలిపారు. మొంథా తుపాను తీరం దాటిన తర్వాత దాని ప్రభావం మరొక ఇరవై నాలుగు గంటలు ఉంటుందని ప్రజలు అప్రమత్తంగా ఉండాలని సూచించింది.