Andhra Pradesh : నేడు అనంతపురంలో సూపర్ సిక్స్ - సూపర్ హిట్ సభ

సాయంత్రం జరగనున్న ఈ సభలో కూటమి ప్రభుత్వం ఏర్పాటయిన తర్వాత ఎన్నికలకు ముందు తాము ఇచ్చిన సూపర్ సిక్స్ హామీలను అమలు చేసిన విధానాన్ని వివరించనున్నారు. ఏ ఏ పథకాన్ని ఇప్పటి వరకూ అమలు చేయగలిగామో ప్రజలకు వివరించనున్నారు. అలాగే ఏడాది కాలంలో చేపట్టిన అభివృద్ధి పనులను గురించి కూడా ప్రజల ముందు పెట్టనున్నారు. ఈ భారీ బహిరంగ సభకు రెండు లక్షల మంది ప్రజలను తరలించాలన్న లక్ష్యంగా పెట్టుకున్నారు. రాయలసీమలోని నాలుగు జిల్లాల నుంచి పెద్ద సంఖ్యలో పార్టీ అభిమానులు, కార్యకర్తలు ఈ సభకు హాజరు కానున్నారు.