కృష్ణాజిల్లాలో పిడుగులు.. పశువులు మృతి

తాజాగా కృష్ణాజిల్లాలో ఆదివారం మధ్యాహ్నం నుండీ ఉన్నట్టుండి వాతావరణం మారింది. కారుమబ్బులతో ఒక్కసారిగా వాతావరణం చల్లబడి ఈదురుగాలులు వీచాయి. పలు ప్రాంతాల్లో ఉరుములతో కూడిన జల్లులు పడ్డాయి. అలాగే నందివాడ, గుడ్లవల్లేరు మండలాల్లో పిడుగులు పడి పాడి పశువులు మృతి చెందాయి. కొన్ని ప్రాంతాల్లో పొలాలలోని వరికుప్పలు పిడుగులకు దగ్ధమయ్యాయి. గుడివాడలో ఓ కొబ్బరిచెట్టుపై పిడుగు పడటంతో.. ఆ చెట్టు మంటల్లో కాలుతూ కనిపించింది. అది చూసిన స్థానికులు భయాందోళనకు గురయ్యారు.