ట్విట్టర్ పై ఏపీ ప్రభుత్వం ఆగ్రహం

న్యాయమూర్తులపై పెట్టిన పోస్టులను ట్విట్టర్లో డిలీట్ చేసినప్పటికీ.. విపిన్ అని టైప్ చేయగానే పోస్టులు కనిపిస్తున్నాయని హైకోర్టు న్యాయవాది అశ్వినీ కుమార్ ధర్మాసనం దృష్టికి తీసుకెళ్లారు. దీంతో.. ట్విట్టర్ వద్ద ఉన్న న్యాయమూర్తులపై అభ్యంతరకర పోస్టుల మెటీరియ‌ల్‌ను స్వాధీనం చేసుకోవాల్సి వ‌స్తుంద‌ని హైకోర్టు స్ప‌ష్టం చేసింది. అలాగే న్యాయమూర్తులపై పోస్టులు చేసి.. విదేశాల్లో ఉన్నవారిని ఎప్పటిలోగా అరెస్ట్ చేస్తారో తెలపాలంటూ సీబీఐని ప్రశ్నించింది. ఇందుకు సంబంధించి వచ్చేవారంలోగా కౌంటర్ వేయాలని ఆదేశించింది. తదుపరి విచారణను వచ్చే సోమవారానికి వాయిదా వేసింది.