నేటి నుంచి ఏపీలో టెన్త్ పరీక్షలు.. అరగంట ఆలస్యమైనా పరీక్ష రాయొచ్చు !

హాల్ టికెట్లపై హెడ్ మాస్టర్ సంతకం లేకపోయినా అనుమతించాలని ఆదేశాలు ఇచ్చినట్లు ప్రభుత్వ పరీక్షల విభాగ డైరెక్టర్ దేవానందరెడ్డి తెలిపారు. ఈ ఏడాది మొత్తం 6,22,537 మంది విద్యార్థులు టెన్త్ పరీక్షలు రాయనున్నారు. వీరిలో 3,02,474 మంది బాలికలు, 3,20,063 బాలురు ఉన్నారు. పరీక్ష కోసం మొత్తం 3,776 కేంద్రాలను ఏర్పాటు చేశారు. సరైన కారణం చెబితే.. అరగంట ఆలస్యమైనా అనుమతించాలని ఆదేశాలు జారీ అయ్యాయి. కరోనా కారణంగా.. రెండేళ్ల తర్వాత రాష్ట్రంలో టెన్త్ పరీక్షలు జరుగుతున్నాయి. ఉదయం 9.30 గంటల నుంచి మధ్యాహ్నం 12.45 గంటల వరకు పరీక్షలు జరుగుతాయి.