Chandrababu : ఆంధ్రప్రదేశ్ మహిళలకు మరో గుడ్ న్యూస్.. వారి ఖాతాల్లో మరికొంత నగదు

అధికారంలోకి వచ్చిన వెంటనే బకాయీలతో కలిపి ఏడు వేల రూపాయలు వృద్ధులు, వితంతువులకు పింఛను ఇచ్చేశారు. పింఛను గత ఏడాది నుంచి ఠంచన్ గా ఒకటో నెల పంపిణీ చేస్తున్నారు. దివ్యాంగులకు ఆరువేల రూపాయలు ఇస్తున్నారు. ఇక మహిళలకు భారంగా మారిన గ్యాస్ సిలిండర్ ను కూడా ఉచితంగా పంపిణీ చేస్తున్నారు. గత ఏడాది నవంబరు నుంచి దీపం పథకం కింద ఏడాదికి మూడు ఉచిత గ్యాస్ సిలిండర్లను పంపిణీ చేస్తున్నారు. తాజాగా మహిళల ఖాతాల్లో తల్లికి వందనం నిధులను జమ చేస్తున్నారు. ఇక ఆగస్టు పదిహేనో తేదీన మహిళలకు ఉచిత బస్సు ప్రయాణం పథకాన్ని ప్రారంభించనున్నట్లు చంద్రబాబు ఇప్పటికే ప్రకటించారు.

తాజాగా మరొక పథకాన్ని కూడా గ్రౌండ్ చేయాలని నిర్ణయించినట్లు తెలుస్తోంది. సూపర్ సిక్స్ హామీలలో భాగంగా మహిళలకు ఆడబిడ్డ నిధి పథకాన్ని ప్రారంభించాలని నిర్ణయించినట్లు తెలిసింది. పద్దెనిమిదేళ్లు నిండిన మహిళలకు నెలకు పదిహేను వందల రూపాయల చొప్పున ఇస్తామని ఎన్నికల హామీల్లో చంద్రబాబు ప్రకటించారు. అంటే వారికి ఏడాదికి పద్దెనిమిదివేలు అందుతాయి. మహిళల కోసం ఈ పథకాన్ని వెంటనే అమలుచేయాలని, రెండో ఏడాది ప్రారంభంలోనే పథకాన్ని అందచేయాలని నిర్ణయించినట్లు తెలిసింది. దీనికి సంబంధించిన దరఖాస్తులను కూడా త్వరలో స్వీకరిస్తారని, ఈ పథకం కోసం ప్రత్యేకంగా వెబ్ సైట్ కూడా రూపొందించే పనిలో ప్రభుత్వం ఉందని చెబుతున్నారు. బడ్జెట్ లో ఈ పథకం కోసం ఇప్పటికే 3,300 కోట్ల రూపాయలు కేటాయించడంతో మహిళల ఖాతాల్లో నెలకు పదిహేను వందల రూపాయలు జమ చేయాలన్న ఆలోచనతో ఉంది. మరి మహిళలకు గుడ్ న్యూస్ అని చెప్పాలి.