AB Venkateswara Rao : ఏబీ ఎందుకిలా.. టీడీపీకి నష్టం చేకూర్చాలనేనా?

అయితే అది రాజకీయ రంగు పులుముకుంది. బాధితులు కాపు సామాజికవర్గానికి చెందిన వారు కావడం, హత్య చేసింది కమ్మ సామాజికవర్గానికి చెందిన వారు కావడంతో వెంటనే ప్రభుత్వం అప్రమత్తమై నిందితులను అరెస్ట్ చేసింది. బాధిత కుటుంబానికి ఐదు లక్షల రూపాయల ఆర్థిక సాయాన్ని అందించడమే కాకుండా నాలుగు ఎకరాల భూమిని కేటాయిస్తున్నట్లు ముఖ్యమంత్రి చంద్రబాబు నాయుడు ఆదేశించారు. నిజానికి మానవీయ కోణంలో తీసుకున్న నిర్ణయమిది. హత్యకు కారణాలు ఏవైనా ఉండవచ్చు గాక, హత్య జరిగిన తీరు అమానుషమని ప్రతి ఒక్కరూ ఖండించారు. చంద్రబాబు నాయుడు కూడా ఈ ఘటనపై తీవ్ర దిగ్భ్రాంతి వ్యక్తం చేయడమే కాకుండా బాధితుల కుటుంబానికి పరిహారం ప్రకటించారు.

అయితే ఏబీ వెంకటేశ్వరరావు మాత్రం ఈ ఘటనపై స్పందించిన తీరు ఆక్షేపణీయంగా ఉందంటున్నారు. ఇలా హత్య జరిగిన వారందరికీ పరిహారం అందించుకుంటూ పోతే ప్రజాధనం వృధా చేసినట్లేనని, ఎవరి సలహాతో పరిహారం ఉత్తర్వులు జారీ చేశారని ప్రశ్నించారు. రెండు కుటుంబాల మధ్య జరిగిన ఘర్షణలో ప్రభుత్వ ధనాన్ని ఖర్చు చేయడమేంటని నిలదీశారు. దీనిపై కాపు సంఘం నేత దాసరి రాము మండిపడ్డారు. మరి రాజకీయ గొడవల్లో మరణించిన కుటుంబానికి ప్రభుత్వ ఉద్యోగం కల్పించినప్పుడు నోరు పెగలలేదేం అని ప్రశ్నించారు. దీనికి జీవో ఇవ్వడం సబబేనా? అని నిలదీశారు. మొత్తం మీద ఏబీ వెంకటేశ్వరరావు సైకిల్ పార్టీకి విలన్ గా మారిపోయాడు. ఆయన ఏదోఒకటి రచ్చ చేయడం అది ప్రభుత్వానికి చుట్టుకోవడం పట్ల టీడీపీ నేతలే ఆందోళన చెందుతున్నారు. సీనియర్ ఐపీఎస్ అయిన ఆయన ఇలాంటి వ్యాఖ్యలకు దూరంగా ఉండాలని కోరుతున్నారు.