Tirumala : తిరుమలకు వెళ్లే భక్తులకు గుడ్ న్యూస్

తిరుమలలో ప్రస్తుతం ఫిబ్రవరి నెలకు సంబంధించిన ఆర్జిత సేవా టిక్కెట్ల కేటాయింపు జరుగుతంది. రేపు ఉదయం పది గంటలకు లక్కీడిప్ ద్వారా ఆర్జిత సేవా టిక్కెట్లను రిజర్వేషన్ చేసుకునే అవకాశముంటుంది. రేపు మధ్యాహ్నం పన్నెండు గంటలకు లక్కీడిప్ విధానంలో ఆర్జిత సేవా టిక్కెట్లను కేటాయింపు జరగుతుంది. ఇందుకు పెద్ద సంఖ్యలో భక్తులు ఆర్జిత సేవా టిక్కెట్లను బుక్ చేసుకున్నారని తిరుమల తిరుపతి దేవస్థానం అధికారులు చెబుతున్నారు. అలాగే నేడు తిరుమలకు వచ్చిన భక్తులకు అవసరమైన సౌకర్యాలను కల్పిస్తున్నట్లు చెప్పారు.

ఈరోజు తిరుమల వైకుంఠం క్యూకాంప్లెక్స్ లోని పదిహేడు కంపార్ట్ మెంట్లలో భక్తులు శ్రీవారి దర్శనం కోసం వేచి ఉన్నారు. సర్వ దర్శనం క్యూ లైన్ లోకి టోకెన్లు లేకుండా ప్రవేశించిన భక్తులకు శ్రీవారి దర్శనం పన్నెండు గంటల సమయం పడుతుందని తిరుమల తిరుపతి దేవస్థానం అధికారులు తెలిపారు. టైమ్ స్లాట్ ద్శనం భక్తులకు ఐదు గంటల సమయం పడుతుంది. మూడు వందల రూపాయల ప్రత్యేక దర్శనం టిక్కెట్లను కొనుగోలు చేసిన భక్తులకు శ్రీవారి దర్శనం మూడు గంటలకు పైగానే సమయం పడుతుంది. నిన్న తిరుమల శ్రీవారిని 66,966 మంది భక్తులు దర్శించుకున్నారు. వీరిలో 21,535 మంది భక్తులు తమ తలనీలాలను సమర్పించుకుని మొక్కులు చెల్లించుకున్నారు. నిన్న తిరుమల శ్రీవారి హుండీ ఆదాయం 4.19 కోట్ల రూపాయలు వచ్చిందని అధికారులు వెల్లడించారు.