కొండెక్కిన కోడిగుడ్లు...మండిపోతున్న మాంసం ధరలు

రోజు రోజుకు చికెన్, మటన్, గుడ్ల ధరలు పెరుగుతున్నాయి. కనుమ పండగ కావడంతో ధరలు అదిరిపోతున్నాయి. చలికాలంలో వీటి వినియోగం ఎక్కువ కావడంతో ధరలు కొండెక్కి కూర్చున్నాయి. గతంలో ఎన్నడూ లేని విధంగా ధరలు మండిపోతున్నాయి. కొనుగోలు చేయాలంటేనే కష్టంగా మారుతుందని వినియోగదారులు వాపోతున్నారు. ప్రస్తుతం మార్కెట్లో కిలో చికెన్‌ 300 నుంచి 350 రూపాయలకు ధరలు చేరాయి. గుడ్డు ధర ఏకంగా ఎనిమిది రూపాయలకు చేరింది. కేవలం వారంలోనే కిలో చికెన్ పై 50 రూపాయలు పెరిగింది. కార్తీకమాసం ముగిసినప్పటి నుండి చికెన్ ధరలు అమాంతంగా పెరుగుతున్నాయి. ఇలా క్రమంగా వారం వారం కిలో చికెన్ పై యాభై నుంచి డెబ్భయి రూపాయల వరకు పెరుగుదల కనిపిస్తుంది. ప్రస్తుతం కేజీ స్కిన్ చికెన్ 350 కాగా.. స్కిన్ లెస్ చికెన్ కేజీ రూ.350 నుండి 380 పలుకుతుంది.