కిదాంబి శ్రీకాంత్ ఓటమి.. ప్రీ క్వార్టర్స్ లో అడుగుపెట్టిన లక్ష్య సేన్

గత BWF ప్రపంచ ఛాంపియన్ షిప్ లో రన్నరప్ గా నిలిచిన కిదాంబి శ్రీకాంత్ ఈసారి ఆదిలోనే టోర్నమెంట్ నుండి బయటకు వచ్చేశాడు. కిదాంబి శ్రీకాంత్ బుధవారం నాడు ప్రపంచ 32వ ర్యాంకర్ జావో జున్ పెంగ్‌తో వరుస గేమ్‌లలో ఓడిపోయి ప్రపంచ ఛాంపియన్‌షిప్‌ నుండి నిష్క్రమించాడు. కేవలం 34 నిమిషాల పాటు సాగిన మ్యాచ్‌లో కిదాంబి శ్రీకాంత్ 18-21, 17-21తో జావో జున్ పెంగ్‌ చేతిలో ఓడిపోయాడు. మ్యాచ్‌లో 1-0 ఆధిక్యం సాధించడానికి జావోకు కేవలం 12 నిమిషాల సమయం మాత్రమే పట్టింది. ఓపెనింగ్ గేమ్ లో కిదాంబి శ్రీకాంత్ పెద్దగా రాణించలేకపోయాడు. రెండో గేమ్‌లో 16-14తో ఆధిక్యంలోకి వెళ్లినా.. చాలా అనవసర తప్పిదాలు చేయడంతో జావో విజయాన్ని ఖాయం చేశాయి.