నేత‌ల‌కు క్లాస్ ఇప్పిస్తున్న వైసీపీ

ఎన్నిక‌ల కౌంటింగ్ ద‌గ్గ‌ర ప‌డ‌టంతో వైఎస్సార్ కాంగ్రెస్ పార్టీ మ‌రింత అలెర్ట్ అయ్యింది. కౌంటింగ్ రోజు పార్టీ కౌంటింగ్ ఏజెంట్లు, అభ్య‌ర్థులు తీసుకోవాల్సిన జాగ్ర‌త్త‌ల‌పై ఇవాళ విజ‌య‌వాడ‌లో శిక్ష‌ణ ఇస్తున్నారు. అన్ని నియోజ‌క‌వ‌ర్గాల‌కు చెందిన అభ్య‌ర్థులు, పార్టీ కౌంటింగ్ ఏజెంట్లు ఈ శిక్ష‌ణా కార్య‌క్ర‌మానికి హాజ‌ర‌య్యారు. మాజీ సీఎస్ అజ‌య్ క‌ల్లాం, విశ్రాంత ఐఏఎస్ అధికారి శామ్యూల్ ఈ కార్య‌క్ర‌మానికి హాజ‌రై వైసీపీ ఏజెంట్ల‌కు అవ‌గాహ‌న క‌ల్పిస్తున్నారు. పార్టీ ముఖ్య‌నేత‌లు విజ‌య‌సాయిరెడ్డి, ఉమ్మారెడ్డి వెంక‌టేశ్వ‌ర్లు కూడా ఈ శిక్ష‌ణా కార్య‌క్ర‌మానికి హాజ‌రై పార్టీ శ్రేణుల‌కు ప‌లు సూచ‌న‌లు చేశారు. కౌంటింగ్ రోజు ఏయే అంశాల‌పై ఏజెంట్లు అప్ర‌మ‌త్తంగా ఉండాలో, ఎలాంటి జాగ్ర‌త్త‌లు తీసుకోవాలో వీరి శిక్ష‌ణ ఇవ్వ‌నున్నారు.