నేడు అమిత్ షా నగరానికి రాక

కేంద్ర హోంమంత్రి అమిత్ షా నేడు హైదరాబాద్ రానున్నారు. గ్రేటర్ హైదరాబాద్ మున్సిపల్ ఎన్నికల ప్రచారంలో అమిత్ షా పాల్గొననున్నారు. తొలుత అమిత్ షా పాతబస్తీలోని భాగ్యలక్ష్మి ఆలయానికి చేరుకుంటారు. అక్కడ ప్రత్యేక పూజలు నిర్వహిస్తారు. ఈ సందర్భంగా పాతబస్తీ లో పోలీసులు భారీ బందోబస్తును ఏర్పాటు చేశారు. అక్కడి నుంచి వారాసిగూడలో ఎన్నికల ప్రచారాన్ని నిర్వహిస్తారు. తర్వాత నాంపల్లిలోని పార్టీ కార్యాలయంలో నేతలతో భేటీ అయి ఎన్నికలపై చర్చిస్తారు.