టీపీసీసీ వర్కింగ్ ప్రసిడెంట్ రేవంత్ రెడ్డి అరెస్టుపై సీఈఓ రజత్ కుమార్ వివరణ ఇచ్చారు. కేసీఆర్ సభ ఉన్న నేపథ్యంలో రేవంత్ రెడ్డి బంద్ కి పిలుపునిచ్చారని, టీఆర్ఎస్ ఈ మేరకు తమకు ఫిర్యాదు చేసిందని తెలిపారు. శాంతిభద్రతలకు విఘాతం కలగకుండా ముందు జాగ్రత్తలో భాగంగానే రేవంత్ రెడ్డిని అరెస్ట్ చేశామని ప్రకటించారు. తాము అన్ని పార్టీలనూ సమానంగా చూస్తామని స్పష్టం చేశారు. కొడంగల్ లోనే శాంతిభద్రతల సమస్య ఉందని ఆయన పేర్కొన్నారు.