"పవర్" ఈసారి పెద్ద కష్టమేమీ కాదట

రైతులు కూడా బీజేపీ పట్ల సముఖంగా లేరు. దీంతో బీజేపీకి ప్రధాన వర్గాలు మద్దతిచ్చే అవకాశాలు కన్పించడం లేదు. మరోవైపు అధికార పార్టీపై అసంతృప్తి అనేది ఖచ్చితంగా ఉంది. రెండు పర్యాయాలు అధికారంలో ఉండటంతో సహజంగా తలెత్తే అసంతృప్తి విపక్షాలకు అనుకూలంగా మారుతుంది. అందుకే తెలంగాణలో కాంగ్రెస్ వైపు ఎక్కువ శాతం మంది ప్రజలు మొగ్గు చూపుతారన్న విశ్లేషణలు వెలువడుతున్నాయి.

కాంగ్రెస్ పార్టీకి 119 నియోజకవర్గాల్లో బలమైన నేతలతో పాటు క్యాడర్, ఓటు బ్యాంకు ఉంది. గత ఎన్నికల్లోనూ టీఆర్ఎస్ కు వందకు పైగా నియోజకవర్గాల్లో పోటీ ఇచ్చింది కాంగ్రెస్ పార్టీయే. బీజేపీ ఎక్కడా లేదు. ఉదాహరణకు ఖమ్మం జిల్లాను చూసుకుంటే అక్కడ బీజేపీకి అవకాశమే లేదు. కాంగ్రెస్ కు ఈసారి ఖమ్మం జిల్లాలో అత్యధిక స్థానాలను గెలుచుకునే అవకాశాలున్నాయన్నది వాస్తవం. అలాగే నల్లగొండ జిల్లాలోనూ అదే పరిస్థితి. తెలంగాణ రాష్ట్రాన్ని ఇచ్చిన కాంగ్రెస్ ను ఈసారి ప్రజలు ఛాన్స్ ఇచ్చే అవకాశాలు లేకపోలేదు.

స్థానిక ఎమ్మెల్యేలపై ఉన్న అసంతృప్తి కూడా కాంగ్రెస్ కు వరంగా మారనుంది. అయితే కాంగ్రెస్ నేతలు తమపై ప్రజల్లో నమ్మకం కలిగించాలి. తాము ఓట్లు వేేసి గెలిపించుకున్నా పార్టీ మారరన్న విశ్వాసాన్ని ప్రజల్లో కలిగించాలి. ఎన్నికలు దగ్గర పడే కొద్దీ కాంగ్రెస్ లో చేరికలు కూడా పెద్ద సంఖ్యలో ఉండే అవకాశముంది. ప్రధానంగా రేవంత్ రెడ్డి పీీసీపీ చీఫ్ అయిన తర్వాత కొంత కాంగ్రెస్ లో చురుకుదనం వచ్చిన మాట వాస్తవమే. కాంగ్రెస్ నేతలు ఐక్యతగా ఉండి కలసి పనిచేస్తే ఈసారి ఎన్నికల్లో అధికారానికి రావడం పెద్ద కష్టమేమీ కాదు.