బాబుకు పోటీగా రాజధాని రైతులు

తెలుగుదేశం పార్టీ ఏర్పాటు చేసిన రౌండ్ టేబుల్ సమావేశానికి పోటీగా రాజధానిలో రైతులు కూడా సమావేశాన్ని ఏర్పాటు చేశారు. రాజధాని అమరావతిపై తెలుగుదేశం పార్టీ రౌండ్ టేబుల్ సమావేశాన్ని ఈరోజు విజయవాడలో ఏర్పాటు చేసింది. చంద్రబాబు అధ్యక్షతన జరిగే ఈ సమావేశానికి అన్ని పార్టీలనూ ఆహ్వానించారు. సీపీఐ, జనసేన పార్టీలు ఈ రౌండ్ టేబుల్ సమావేశానికి హాజరవుతున్నట్లు తెలుస్తోంది. అయితే ఈ రౌండ్ టేబుల్ సమావేశానికి పోటీగా రాజధానిలో ఒకవర్గానికి చెందిన రైతులు మరో సమావేశాన్ని ఏర్పాటు చేశారు. ఈ సమావేశానికి ఏపీ మంత్రులు హాజరయ్యే అవకాశముంది. రాజధాని అంశంలో జగన్ ప్రభుత్వం ఎటూ తేల్చకపోవడంతో టీడీపీ మేధావులు, రాజకీయ పార్టీలతో సమావేశాన్ని ఏర్పాటు చేసింది.