అమరావతిలో ఏసీ కూడా సరఫరా చేస్తాం

అమరావతి నగరంలో ఇంటింటికి గ్యాస్, కరెంటుతో పాటు ఏసీ కూడా సరఫరా చేస్తామని ముఖ్యమంత్రి నారా చంద్రబాబు నాయుడు పేర్కొన్నారు. ఇవాళ అమరావతిలో జేవియర్ లేబర్ రిలేషన్స్ ఇన్ స్టిట్యూషన్(ఎక్స్ఎల్ఆర్ఐ) సంస్థకు ఆయన శంకుస్థాపన చేశారు. ఈ సందర్భంగా ఆయన మాట్లాడుతూ… అమరావతి నగరం నాలెడ్జ్ ఎకనామీగా మార్చేందుకు ప్రయత్నిస్తున్నామని పేర్కొన్నారు. సమర్థ నాయకత్వం ఉంటేనే ఏ రంగమైనా అభివృద్ధి చెందుతుందన్నారు. గతంలో స్టాండ్ బై ఏసీలు ఉండేవని, తర్వాత సెంట్రల్ ఏసీలు వచ్చాయని, ఇప్పుడు కరెంటు, గ్యాస్ మాదిరిగా అమరావతిలో ఇంటింటికి ఏసీ సరఫరా చేసే దిశగా ఆదేశాలు ఇచ్చినట్లు ఆయన ప్రకటించారు.