వివేకా హత్య కేసుపై ఈయన ఏం చెప్పారంటే?

మాజీ మంత్రి వైఎస్ వివేకానందరెడ్డి హత్య కేసులో సీబీఐ దర్యాప్తు వేగం పెంచింది. ఇందులో భాగంగా ఎమ్మెల్యే రవీంద్రనాధ్ రెడ్డిని విచారించారు. ముఖ్యమంత్రి జగన్ మేనమామ రవీంద్ర నాధ్ రెడ్డిని దాదాపు గంట సేపు సీీబీఐ అధికారులు విచారించారు. ఈ హత్య కేసులో నిందితులు ఎవరో త్వరగా తేల్చాలని సీబీఐ అధికారులను కోరినట్లు రవీంద్ర నాధ్ రెడ్డి తెలిపారు. తనకు, వైఎస్ వివేకానందరెడ్డికి ఉన్న సంబంధాల గురించి సీబీఐ అధికారులు అడిగారని ఆయన చెప్పారు. ఈ హత్య తమ కుటుంబానికి అవమానమేనని రవీంద్ర నాధ్ రెడ్డి తెలిపారు.