రాజధాని నిర్ణయం రాష‌్ట్ర ప్రభుత్వానిదే.. హైకోర్టులో అఫడవిట్

రాజధాని నిర్ణయాధికారం రాష్ట్ర ప్రభుత్వానిదేనని ఏపీ ప్రభుత్వం పేర్కొంది. రాష్ట్ర విభజన అంశాలపై ప్రభుత్వం హైకోర్టులో అఫడవిట్ దాఖలు చేసింది. కేంద్ర ప్రభుత్వం కూడా రాజధాని నిర్ణయం రాష్ట్ర ప్రభుత్వాలదేనని పేర్కొన్న విషయాన్ని గుర్తు చేసింది. రాజధానితో సహా అభివృద్ధి , ప్రాజెక్టుల నిర్మాణం రాష్ట్ర ప్రభుత్వానికే ఉందని పేర్కొంది. ప్రత్యేక హోదా అమలు కానంత వరకూ విభజన ప్రక్రియ కొనసాగుతూనే ఉంటుందని ఏపీ ప్రభుత్వం తన అఫడవిట్ లో పేర్కొంది.