బీచ్ లో మందేస్తే జేబు గుల్లవ్వాల్సిందే..!

గోవా అనగానే బీచ్ లో మద్యం తాగుతూ ఎంజాయ్ చేయొచ్చనుకుంటారు. చాలామంది అందుకోసమే గోవా అంటే ఆసక్తి చూపుతారు. అయితే, ఇక నుంచి గోవా బీచ్ లలో మందు తాగితే ఊరుకునేది లేదని అక్కడి ప్రభుత్వం స్పష్టం చేసింది. ఈ మేరకు పర్యాటక చట్టంలో మార్పులు తీసుకొస్తోంది. గోవాలోని బీచ్ లలో మద్యం తాగడాన్ని, వంట చేయడాన్ని నిషేదిస్తున్నట్లు ఆ రాష్ట్ర పర్యాటక శాఖ మంత్రి అజ్ గోంకర్ తెలియజేశారు. ఒకవేళ ఈ నిబంధన ఉల్లంఘించి బీచ్ లో మద్యం తాగినా, వంట చేసిన కఠిన చర్యలు తీసుకుంటామని, రూ.2 వేల జరిమానా విధించాలని, జరిమానా చెల్లించకపోతే మూడు నెలల జైలు శిక్ష విధించనున్నట్లు ఆయన పేర్కొన్నారు.