Telangana : తెలంగాణ నిరుద్యోగులకు తీపి కబురు.. ఏకంగా 3,038 పోస్టులు భర్తీ
తెలంగాణ ప్రభుత్వం నిరుద్యోగులకు గుడ్ న్యూస్ చెప్పింది. ఒకే సారి 3,038 ఉద్యోగాల భర్తీకి నోటిఫికేషన్ విడుదల చేయనుంది.
తెలంగాణ ప్రభుత్వం నిరుద్యోగులకు గుడ్ న్యూస్ చెప్పింది. ఒకే సారి 3,038 ఉద్యోగాల భర్తీకి నోటిఫికేషన్ విడుదల చేయనుంది. ఈ మేరకు మంత్రి పొన్నం ప్రభాకర్ తెలిపారు. ఆర్టీసీలో త్వరలోనే 3,038 ఉద్యోగాలు భర్తీ చేయనున్నట్లు ఆయన తెలపారు. . ఆర్టీసీ లో సుదీర్ఘ కాలం తర్వాత ఉద్యోగాల భర్తీ ప్రక్రియ ప్రారంభిస్తున్నామన్నారు. 3038 ఉద్యోగాల భర్తీకి ఇప్పటికే ప్రభుత్వం అనుమతి ఇచ్చిందని త్వరలోనే నోటిఫికేషన్ వేసి సాధ్యమైనంత త్వరలోనే ఉద్యోగాల భర్తీ ప్రక్రియ పూర్తి చేస్తామని వెల్లడించారు.
ఉచిత ప్రయాణంతో పాటు...
ముఖ్యమంత్రి రేవంత్ రెడ్డి నాయకత్వంలో ప్రజా పాలన ప్రభుత్వం ఆర్టీసీ లో మహిళలకు ఉచిత ప్రయాణం అందిస్తుందని దీని ద్వారా ఆర్టీసీ లో మహిళా ప్రయాణికుల సంఖ్య భారీగా పెరిగిందని వెల్లడించారు. ఇప్పటి వరకు ఆర్టీసీ లో 165 కోట్ల మంది మహిళలు ఉచితంగా ప్రయాణం చేశారని వారు 5500 కోట్ల రూపాయలు ఆదా చేసినట్లు పేర్కొన్నారు.ఇప్పటికే మహా లక్ష్మి కోసం కొత్త బస్సులు కొనుగోలు చేశామని ఇప్పుడు ఉద్యోగాల భర్తీకి ఆర్టీసీ సన్నద్ధం అయిందని పేర్కొన్నారు.
పోస్టుల వివరాలు ఇవీ...
మొత్తం 3038 ఉద్యోగాల్లో డ్రైవర్ పోస్టులు రెండు వేలు, శ్రామిక్ పోస్టులు 743, డిప్యూటీ సూపరిండెంట్ (ట్రాఫిక్) పోస్టులు 84, డిప్యూటీ సూపరిండెంట్ (మెకానికల్) పోస్టులు 114, డిపో మేనేజర్/ అసిస్టెంట్ ట్రాఫిక్ మేనేజర్ పోస్టులు 25, అసిస్టెంట్ మెకానికల్ ఇంజనీర్ పోస్టులు 18, పోస్టులు అసిస్టెంట్ ఇంజనీర్ (సివిల్) పోస్టులు 23, సెక్షన్ ఆఫీసర్ ( సివిల్) పోస్టులు పదకొండు, అకౌంట్ ఆఫీసర్స్ పోస్టులు ఆరు, మెడికల్ ఆఫీసర్స్ జనరల్ పోస్టులు ఏడు, మెడికల్ ఆఫీసర్స్ స్పెషలిస్ట్ పోస్టులు ఏడు త్వరలో భర్తీ చేయనున్నారు. పోస్టులకు త్వరలోనే నోటిఫికేషన్ ద్వారా భర్తీ చేయనుంది.