ಫ್ಯಾಕ್ಟ್ಚೆಕ್: ಕೇಂದ್ರಕ್ಕಿಂತ ರಾಜ್ಯ ಸರ್ಕಾರವು ಎಲ್ಪಿಜಿ ಸಿಲಿಂಡರ್ ಮೇಲೆ ಹೆಚ್ಚಿನ ತೆರಿಗೆ ವಿಧಿಸುತ್ತದೆ ಎಂಬ ಸುದ್ದಿಯಲ್ಲಿ ಸತ್ಯಾಂಶವಿಲ್ಲ
ಕೇಂದ್ರಕ್ಕಿಂತ ರಾಜ್ಯ ಸರ್ಕಾರವು ಎಲ್ಪಿಜಿ ಸಿಲಿಂಡರ್ ಮೇಲೆ ಹೆಚ್ಚಿನ ತೆರಿಗೆ ವಿಧಿಸುತ್ತದೆ ಎಂಬ ಸುದ್ದಿಯಲ್ಲಿ ಸತ್ಯಾಂಶವಿಲ್ಲ
ವಾಣಿಜ್ಯ ಬಳಕೆ ಅಡುಗೆ ಅನಿಲ ದರ ಮಾರ್ಚ್ ಮೊದಲ ದಿನವೇ ಏರಿಕೆಯಾಗಿದೆ. ತೈಲ ಮಾರುಕಟ್ಟೆ ಕಂಪನಿಗಳು ಹೋಟೆಲ್, ರೆಸ್ಟೋರೆಂಟ್ ಮೊದಲಾದ ಕಡೆ ಹೆಚ್ಚಾಗಿ ಬಳಸುವ ಕಮರ್ಷಿಯಲ್ ಗ್ಯಾಸ್ ಸಿಲಿಂಡರ್ ದರವನ್ನು ಹೆಚ್ಚಿಸಿವೆ. ವಾಣಿಜ್ಯ ಬಳಕೆ ಎಲ್ಪಿಜಿ ಸಿಲಿಂಡರ್ ಬೆಲೆ ರಾಷ್ಟ್ರ ರಾಜಧಾನಿ ದಿಲ್ಲಿಯಲ್ಲಿ 25.50 ರೂ. ಮತ್ತು ಮುಂಬೈನಲ್ಲಿ 26 ರೂ. ದುಬಾರಿಯಾಗಿದೆ. ಈ ಮೂಲಕ ತೈಲ ಮಾರುಕಟ್ಟೆ ಕಂಪನಿಗಳು ಸತತ ಎರಡನೇ ತಿಂಗಳೂ 19 ಕೆಜಿ ತೂಕದ ವಾಣಿಜ್ಯ ಬಳಕೆ ಗ್ಯಾಸ್ ಸಿಲಿಂಡರ್ ದರವನ್ನು ಏರಿಕೆ ಮಾಡಿದಂತಾಗಿವೆ. ಇದರ ನಡುವೆ ಸಾಮಾಜಿಕ ಜಾಲತಾಣದಲ್ಲಿ ಗೃಹಬಳಕೆದಾರರು ಅಡುಗೆಗೆ ಬಳಸುವ ಎಲ್ಪಿಜಿ ಬೆಲೆಯನ್ನು ವಿವರಿಸುವ ಚಾರ್ಟ್ವೊಂದು ವೈರಲ್ ಆಗುತ್ತಿದೆ. ವೈರಲ್ ಆದ ಚಾರ್ಟ್ನ್ನು ನೋಡುವುದಾದರೆ, ಕೇಂದ್ರ ಸರ್ಕಾರವು ಎಲ್ಪಿಜಿ ಸಿಲಿಂಡರ್ಗೆ 24.75 ರೂ. ತೆರಿಗೆ ವಿಧಿಸುತ್ತದೆ ಮತ್ತು ರಾಜ್ಯ ಸರ್ಕಾರಗಳು 291.36 ರೂ. ತೆರಿಗೆಯನ್ನು ಸೇರಿಸುತ್ತವೆ ಎಂದು ಬಿಲ್ ರೂಪದ ಪೋಸ್ಟರ್ನಲ್ಲಿರುವುದನ್ನು ನೋಡಬಹುದು. ಬೆಲೆ ವಿವರಣೆಯಲ್ಲಿ ಡೀಲರ್ನ 5.50 ರೂ. ಕಮಿಷನ್ ಕೂಡ ಸೇರಿದೆ ಮತ್ತು ಕೊನೆಯಲ್ಲಿ “ಕೇಂದ್ರ ಸರ್ಕಾರ. ತೆರಿಗೆ 5%, ರಾಜ್ಯ ಸರ್ಕಾರದ ತೆರಿಗೆ 55%. ಈಗ ಅರ್ಥ ಮಾಡಿಕೊಳ್ಳಿ ಯಾರು ಗ್ಯಾಸ್ ಬೆಲೆ ಜಾಸ್ತಿ ಮಾಡಿದ್ದು? ರಾಜ್ಯ ಸರ್ಕಾರನ? ಕೇಂದ್ರ ಸರ್ಕಾರನಾ? ಗ್ರಾಸ್ ಬೆಲೆ ಜಾಸ್ತಿ ಅಂತ ಮೋದಿ ಸರ್ಕಾರವನ್ನು ದೂಷಿಸುವ ಅತಿ ಬುದ್ದಿವಂತರು ಒಮ್ಮೆ ಪರಾಮರ್ಶಿಸಿ ಎಂದು ಬರೆದಿರುವುದನ್ನು ನಾವಿಲ್ಲಿ ನೋಡಬಹುದು.
ವೈರಲ್ ಆದ ಪೊಸ್ಟ್ನ ಸ್ಕ್ರೀನ್ಶಾಟ್ನ್ನು ನೀವಿಲ್ಲಿ ನೋಡಬಹುದು.
ಮತ್ತೊಂದು ಪೊಸ್ಟ್ನ್ನು ನೀವಿಲ್ಲಿ, ಇಲ್ಲಿ ನೋಡಬಹುದು.
ಫ್ಯಾಕ್ಟ್ಚೆಕ್
ವೈರಲ್ ಆದ ಸುದ್ದಿ ಸಾಮಾಜಿಕ ಜಾಲತಾಣದ ಬಳಕೆದಾರರನ್ನು ತಪ್ಪುದಾರಿಗೆಳೆಯುವ ಕೆಲಸ ಮಾಡುತ್ತಿದೆ. ದೇಶೀಯ ಎಲ್ಪಿಜಿ ಮೇಲೆ ಕೇಂದ್ರ (5%) ಗಿಂತ ರಾಜ್ಯಗಳು ಹೆಚ್ಚಿನ ತೆರಿಗೆ (55%) ವಿಧಿಸುತ್ತವೆ ಎಂಬ ಸುದ್ದಿಯಲ್ಲಿ ವಾಸ್ತವತೆ ಇಲ್ಲ. ಎಲ್ಪಿಜಿ ಬಿಲ್ ಮೇಲೆ ಕೇಂದ್ರ ಸರ್ಕಾರ 5% ಜಿಎಸ್ಟಿ ತೆರಿಗೆ ವಿಧಿಸಲಾಗುತ್ತದೆ, ಇದನ್ನು ಕೇಂದ್ರ ಮತ್ತು ರಾಜ್ಯಗಳ ನಡುವೆ ಸಮಾನವಾಗಿ ಹಂಚಿಕೊಳ್ಳಲಾಗುತ್ತದೆ. ದೇಶೀಯ ಎಲ್ಪಿಜಿ ಬೆಲೆ ಏರಿಕೆಗೆ ಟೀಕೆಗಳು ಕೇಳಿಬಂದಿವೆ, ಆದರೆ ಮೋದಿ ಸರ್ಕಾರವನ್ನು ಬೆಂಬಲಿಸಲು ಈ ಸುಳ್ಳು ಹೇಳಿಕೆಯನ್ನು ಪ್ರಚಾರ ಮಾಡಲಾಗಿದೆ.
ನಾವು ವೈರಲ್ ಆದ ಸುದ್ದಿಯ ಬಗ್ಗೆ ಸತ್ಯಾಂಶವನ್ನು ತಿಳಿಯಲು ನಾವು ಗೂಗಲ್ನಲ್ಲಿ ಕೆಲವು ಪ್ರಮುಖ ಕೀವರ್ಡ್ಗಳನ್ನು ಉಪಯೋಗಿಸಿ ಹುಡುಕಾಟ ನಡೆಸಿದೆವು. ಹುಡುಕಾಟದಲ್ಲಿ ನಮಗೆ, ಕೆಲವೊಂದು ಪ್ರಮುಖ ಮಾಹಿತಿಗಳು ಲಭ್ಯವಾಯಿತು. ದೇಶೀಯ ಎಲ್ಪಿಜಿ ಸಿಲಿಂಡರ್ ಮೇಲೆ ಜಿಎಸ್ಟಿ (ಸರಕು ಮತ್ತು ಸೇವಾ ತೆರಿಗೆ) ವಿಧಿಸಲಾಗುತ್ತದೆ. ಕೇಂದ್ರ ಮತ್ತು ರಾಜ್ಯ ಸರ್ಕಾರಗಳು ಎಲ್ಪಿಜಿ ಸಿಲಿಂಡರ್ಗಳ ಮೇಲೆ ತಮ್ಮದೇ ಆದ ಪ್ರತ್ಯೇಕ ತೆರಿಗೆಗಳನ್ನು ವಿಧಿಸುವುದಿಲ್ಲ. ಹಾಗೆ ದೇಶೀಯ ಬಳಕೆಗಾಗಿ ಎಲ್ಪಿಜಿ ಮೇಲೆ ಸರಕು ಮತ್ತು ಸೇವಾ ತೆರಿಗೆ (ಜಿಎಸ್ಟಿ) 5% ವಿಧಿಸಲಾಗುತ್ತದೆ. ಇದನ್ನು ಕೇಂದ್ರ ಮತ್ತು ರಾಜ್ಯಗಳ ನಡುವೆ ಸಮಾನವಾಗಿ ಹಂಚಿಕೊಳ್ಳಲಾಗುತ್ತದೆ – ತಲಾ 2.5%. ಕೇಂದ್ರ ಸರ್ಕಾರ 5% ತೆರಿಗೆ ವಿಧಿಸುತ್ತದೆ. ಈ ಮೂಲಕ ರಾಜ್ಯವು 55% ತೆರಿಗೆ ವಿಧಿಸುತ್ತದೆ ಎಂಬ ಹೇಳಿಕೆ ಸುಳ್ಳು ಎಂಬುದು ಸ್ಪಷ್ಟವಾಗಿದೆ. ಜಿಎಸ್ಟಿ ಸ್ಲ್ಯಾಬ್ ಅನ್ನು ಕೇಂದ್ರ ಪರೋಕ್ಷ ತೆರಿಗೆಗಳು ಮತ್ತು ಕಸ್ಟಮ್ಸ್ ಮಂಡಳಿಯ ವೆಬ್ಸೈಟ್ನಲ್ಲಿ ಪರಿಶೀಲಿಸಬಹುದಾಗಿದೆ.
ನೈಸರ್ಗಿಕ ಅನಿಲ ಮತ್ತು ಪೆಟ್ರೋಲಿಯಂ ಸಚಿವಾಲಯದ ಅಡಿಯಲ್ಲಿರುವ ಪೆಟ್ರೋಲಿಯಂ ಯೋಜನೆ ಮತ್ತು ವಿಶ್ಲೇಷಣಾ ಕೋಶ (PPAC) ಮೇ 2021 ರಲ್ಲಿ ಪ್ರಕಟಿಸಿದ ವರದಿಯು ದೇಶೀಯ LPG ಮೇಲೆ ವಿಧಿಸಲಾಗುವ ತೆರಿಗೆಗಳ ವಿವರಣೆಯನ್ನು ನೀಡುತ್ತದೆ. ಕೆಳಗೆ ನೋಡಿದಂತೆ, GST ಮಾತ್ರ ಅನ್ವಯಿಸುತ್ತದೆ.41
ದಿ ಹಿಂದೂ ವೆಬ್ಸೈಟ್ನಲ್ಲಿ ʼLPG refill to cost ₹835 in cityʼ ಎಂಬ ಶೀರ್ಷಿಕೆಯೊಂದಿಗೆ ವರದಿ ಮಾಡಲಾಗಿದೆ. ವರದಿಯಲ್ಲಿ ʼ14.2 ಕೆಜಿ ಸಿಲಿಂಡರ್ಗೆ ಡೀಲರ್ಗಳ ಕಮಿಷನ್ 61.84 ರೂ. ಎಂದು ವರದಿ ಹೇಳುತ್ತದೆ. ಇದು ಎಲ್ಪಿಜಿ ವಿತರಕರಿಗೆ ನೀಡಲಾಗುವ ಕಮಿಷನ್ ಆಗಿದ್ದು, ವಿತರಣಾ ಶುಲ್ಕಗಳಿಗೆ ಹೋಗುತ್ತದೆ , ಇದರಲ್ಲಿ ಬಾಟ್ಲಿಂಗ್ ಪ್ಲಾಂಟ್ನಿಂದ ಸಿಲಿಂಡರ್ ತೆಗೆದುಕೊಂಡು ಗ್ರಾಹಕರಿಗೆ ತಲುಪಿಸುವುದು, ಸಂಬಳ, ಬಾಡಿಗೆ, ವಿದ್ಯುತ್ ಮತ್ತು ದೂರವಾಣಿ ಬಿಲ್ಗಳಂತಹ ಸ್ಥಾಪನಾ ವೆಚ್ಚಗಳು ಸೇರಿವೆ. ಡೀಲರ್ಗಳ ಕಮಿಷನ್ ಅನ್ನು ಪೆಟ್ರೋಲಿಯಂ ಸಚಿವಾಲಯ ನಿಗದಿಪಡಿಸುತ್ತದೆ. ವೈರಲ್ ಸಂದೇಶವು ಡೀಲರ್ಗಳ ಕಮಿಷನ್ 5.50 ರೂ. ಎಂದು ತಪ್ಪಾಗಿ ಹೇಳುತ್ತದೆ.
ಉದಾಹರಣೆಗೆ, ಇಂಡಿಯನ್ ಆಯಿಲ್ ಕಾರ್ಪೊರೇಷನ್ನ ಗ್ಯಾಸ್ ಏಜೆನ್ಸಿಯಿಂದ ಎಲ್ಪಿಜಿ ಸಿಲಿಂಡರ್ಗೆ ಇತ್ತೀಚೆಗೆ ಪಡೆದ ಮೂಲ ಗ್ರಾಹಕ ರಶೀದಿಯನ್ನು ನೋಡಿದಾಗ, ಬೆಲೆಯ ಮೇಲೆ ಶೇಕಡಾ 5 ರಷ್ಟು ಜಿಎಸ್ಟಿ ಶುಲ್ಕವನ್ನು ವಿಧಿಸಲಾಗಿದೆ ಎಂದು ನಾವು ನೋಡಬಹುದು. ಕೆಳಗಿನ ಫೋಟೋದಲ್ಲಿರುವ 14.2 ಕೆಜಿ ಗೃಹಬಳಕೆಯ ಎಲ್ಪಿಜಿ ಸಿಲಿಂಡರ್ ಬಿಲ್ನ್ನು ನೋಡಬಹುದು. ಬಿಲ್ನಲ್ಲಿ 2.5% CGST ಮತ್ತು 2.5% SGST (ಅಂದರೆ, ಒಟ್ಟು 5% GST) ಇದೆ ಎಂದು ಗಮನಿಸಬಹುದು. ಆದ್ದರಿಂದ, ರಾಜ್ಯ ಸರ್ಕಾರವು LPG ಸಿಲಿಂಡರ್ಗಳ ಮೇಲೆ 55% ತೆರಿಗೆ ವಿಧಿಸುತ್ತದೆ ಎಂಬ ಹೇಳಿಕೆಗೆ ಯಾವುದೇ ಆಧಾರವಿಲ್ಲ.
ಡೀಲರ್ ಕಮಿಷನ್ ಎಷ್ಟು?
ಪೋಸ್ಟ್ನಲ್ಲಿ ಡೀಲರ್ನ ಕಮಿಷನ್ನ್ನು ₹5.50 ಎಂದು ನೀಡಲಾಗಿದೆ. ಪಿಪಿಎಸಿ ವೆಬ್ಸೈಟ್ನಲ್ಲಿ 14.2 ಕೆಜಿ ಎಲ್ಪಿಜಿ ಗ್ಯಾಸ್ ಸಿಲಿಂಡರ್ನಲ್ಲಿ ಡೀಲರ್/ವಿತರಕರ ಕಮಿಷನ್ ₹61.84 ಇರುವುದನ್ನು ನೋಡಬಹುದು. ಸರ್ಕಾರವು ಜುಲೈ 2019ರಲ್ಲಿ ಡೀಲರ್ನ ಕಮಿಷನ್ನ್ನು ₹61.84 ಕ್ಕೆ ಹೆಚ್ಚಿಸಲು ಆದೇಶ ಹೊರಡಿಸಿದೆ ಎಂಬುದನ್ನು ನೀವಿಲ್ಲಿ ನೋಡಬಹುದು .₹61.84 ರೂ.ಗಳಲ್ಲಿ 'ಸ್ಥಾಪನಾ ಶುಲ್ಕಗಳು' ₹34.24 ಮತ್ತು 'ವಿತರಣಾ ಶುಲ್ಕಗಳು' ₹27.60 ಸೇರಿಸಿರುವುದನ್ನು ನಾವಿಲ್ಲಿ ನೋಡಬಹುದು.
- ದೇಶೀಯ ಎಲ್ಪಿಜಿ ಸಿಲಿಂಡರ್ ಬೆಲೆಯ ವಿವಿಧ ಅಂಶಗಳೇನೆಂದರೆ,
ಪೆಟ್ರೋಲಿಯಂ ಮತ್ತು ನೈಸರ್ಗಿಕ ಅನಿಲ ಸಚಿವಾಲಯ ಬಿಡುಗಡೆ ಮಾಡಿದ 'ಭಾರತೀಯ ಪೆಟ್ರೋಲಿಯಂ ಮತ್ತು ನೈಸರ್ಗಿಕ ಅನಿಲ ಅಂಕಿ ಅಂಶಗಳು 2019-20 ವರದಿಯಲ್ಲಿ, ಏಪ್ರಿಲ್ 1, 2020ರ ಹೊತ್ತಿಗೆ ಭಾರತದ ನಾಲ್ಕು ಪ್ರಮುಖ ನಗರಗಳಲ್ಲಿ ದೇಶೀಯ ಎಲ್ಪಿಜಿ ಸಿಲಿಂಡರ್ಗಳ ಬೆಲೆಗಳ ಬಗ್ಗೆ ವಿವರಗಳು ಕಂಡುಬಂದಿವೆ. ಜೂನ್ 1, 2021 ರ ದೆಹಲಿಯಲ್ಲಿ ಸಿಲಿಂಡರ್ ಬೆಲೆಯ ವಿವರಗಳನ್ನು ಇಲ್ಲಿ ನೋಡಬಹುದು. ಸಿಲಿಂಡರ್ನ ಚಿಲ್ಲರೆ ಬೆಲೆಯಲ್ಲಿ 'ಮಾರುಕಟ್ಟೆ ನಿರ್ಧರಿಸಿದ ಬೆಲೆ', 'ವಿತರಕ ಆಯೋಗ' ಮತ್ತು 'ಜಿಎಸ್ಟಿ' ಸೇರಿವೆ. ನಾವು ಈಗಾಗಲೇ ಜಿಎಸ್ಟಿ ಮತ್ತು ವಿತರಕ ಆಯೋಗವನ್ನು ವಿವರಿಸಿದ್ದೇವೆ. 'ಮಾರುಕಟ್ಟೆ ನಿರ್ಧರಿಸಿದ ಬೆಲೆಯ ಅಂಶಗಳನ್ನು ನೀವಿಲ್ಲಿ ನೋಡಬಹುದು.
ಇದರಿಂದ ಸಾಭೀತಾಗಿದ್ದೇನೆಂದರೆ, ವೈರಲ್ ಆದ ಸುದ್ದಿ ಸಾಮಾಜಿಕ ಜಾಲತಾಣದ ಬಳಕೆದಾರರನ್ನು ತಪ್ಪುದಾರಿಗೆಳೆಯುವ ಕೆಲಸ ಮಾಡುತ್ತಿದೆ. ದೇಶೀಯ ಎಲ್ಪಿಜಿ ಮೇಲೆ ಕೇಂದ್ರ (5%) ಗಿಂತ ರಾಜ್ಯಗಳು ಹೆಚ್ಚಿನ ತೆರಿಗೆ (55%) ವಿಧಿಸುತ್ತವೆ ಎಂಬ ಸುದ್ದಿಯಲ್ಲಿ ವಾಸ್ತವತೆ ಇಲ್ಲ. ಎಲ್ಪಿಜಿ ಬಿಲ್ ಮೇಲೆ ಕೇಂದ್ರ ಸರ್ಕಾರ 5% ಜಿಎಸ್ಟಿ ತೆರಿಗೆ ವಿಧಿಸಲಾಗುತ್ತದೆ, ಇದನ್ನು ಕೇಂದ್ರ ಮತ್ತು ರಾಜ್ಯಗಳ ನಡುವೆ ಸಮಾನವಾಗಿ ಹಂಚಿಕೊಳ್ಳಲಾಗುತ್ತದೆ. ದೇಶೀಯ ಎಲ್ಪಿಜಿ ಬೆಲೆ ಏರಿಕೆಗೆ ಟೀಕೆಗಳು ಕೇಳಿಬಂದಿವೆ, ಆದರೆ ಮೋದಿ ಸರ್ಕಾರವನ್ನು ಬೆಂಬಲಿಸಲು ಈ ಸುಳ್ಳು ಹೇಳಿಕೆಯನ್ನು ಪ್ರಚಾರ ಮಾಡಲಾಗಿದೆ.