భారీ ధరకు ఇంగ్లండ్ ఆల్ రౌండర్ ను కొనుగోలు చేసిన పంజాబ్ కింగ్స్

బెంగళూరులో రెండోరోజు ఐపీఎల్ వేలం కొనసాగుతోంది. రెండోరోజు వేలంలో.. అత్యధిక ధర పలికాడు ఇంగ్లండ్ కు చెందిన ఆల్ రౌండర్ లివింగ్ స్టోన్. లివింగ్ స్టోన్ కనీస ధర రూ. కోటి నుంచి వేలం మొదలవ్వగా.. పంజాబ్ కింగ్స్ ఎలెవన్ జట్టు అతడిని ఏకంగా రూ.11.5 కోట్లు ఖర్చుపెట్టి కొనుగోలు చేసింది. లివింగ్ స్టోన్ బౌలింగ్ లోనే కాదు.. బ్యాటింగ్ లోనూ తన సత్తా చూపగలడు. తన ఆటతో మొత్తం ఆటనే మలుపు తిప్పగల సమర్థుడు. అందుకే అతడిని దక్కించుకునేందుకు పంజాబ్ కింగ్స్ పోటీ పడింది. ఆఫ్ స్పిన్‌, లెగ్ స్పిన్ బౌలింగ్ చేయగల సమర్థుడు కాబట్టి.. లివింగ్ స్టోన్ కు అంత డిమాండ్ ఏర్పడింది.