నేడు స్టేడియంలోకి రిషబ్ పంత్

రిషబ్ పంత గత ఏడాది డిసెంబరు 30వ తేదీన రోడ్డు ప్రమాదంలో గాయపడిన సంగతి తెలిసిందే. దీంతో ఆయన క్రికెట్‌కు దూరమయ్యారు. గతంలో ఐపీఎల్‌లో ఢిల్లీ క్యాపిటల్స్‌కు కెప్టెన్‌గా వ్యవహరించిన రిషబ్ పంత్ స్వయంగా మ్యాచ్‌ను చూసేందుకు స్టేడియానికి వస్తుండటంతో ఆయన అభిమానులు ఆసక్తిగా ఎదురు చూస్తున్నారు. రిషబ్ పంత్ మోకాలికి సర్జరీ అయింది. ఇప్పుడిప్పుడే కోలుకుంటున్న పంత్ నేడు జరిగే మ్యాచ్‌కు హాజరుకానుండటం విశేషం. ఢిల్లీ క్యాపిటల్స్ ఇప్పటికే ఒక మ్యాచ్ ఓటమి పాలయింది. లక్నూ సూపర్ జెయింట్స్ చేతిలో పరాజయం పాలయింది. బోణీ కొట్టాలని హోం పిచ్‌పై ఢిల్లీ క్యాపిటల్స్ ఎదురు చూస్తుంది. ఇందుకు పంత్ హాజరవుతుండటంతో మరింత ఉత్సాహంతో ఢిల్లీ క్యాపిటల్స్ ఆటగాళ్లు మ్యాచ్‌ ను ఆడనున్నారు.