IPL 2024 : ఇంత వన్ సైడ్ మ్యాచ్ ఈ ఐపీఎల్ లో ఈ మధ్యకాలంలో చూడలేదు

నిన్న జరిగిన కోల్‌కత్తా నైట్ రైడర్స్ తో ఢిల్లీ కాపిటల్స్ తో జరిగిన మ్యాచ్ వన్ సైడ్ గా జరిగిందనే చెప్పాలి. తొలుత బ్యాటింగ్ చేసిన ఢిల్లీ కాపిటల్స్ జట్టు బ్యాటర్లు అందరూ విఫలమయ్యారు. ఓపెనర్ దగ్గర నుంచి అందరూ వరస బెట్టి పెవిలియన్ బాట పట్టారు. కులదీప్ యాదవ్ చివరలో మెరుపులు మెరిపించడం వల్లనే ఆ మాత్రమైనా స్కోరు దక్కింది. ఐపీఎల్ లో అందులోనూ కేకేఆర్ ముందు అంత స్వల్ప లక్ష్యం ఉంచి ఇక ఢిల్లీ ఎలా గెలుస్తుందన్ని అంచనాలు తొలి నుంచి వినిపిస్తూనే ఉన్నాయి. ఇరవై ఓవర్లలో 9 వికెట్లు కోల్పోయి 153 పరుగులు మాత్రమే చేసింది. అందులో కులదీప్ యాదవ్ ఒక్కడే అత్యధిక స్కోరు చేసింది.

తర్వాత లక్ష్య సాధనలో బరిలోకి దిగిన కోల్్‌కత్తా నైట్ రైడర్స్ పెద్దగా శ్రమపడలేదు. సాల్ట్ 68 పరుగులు చేశాడు. నరేన్ పదిహేను పరుగులకే అవుటయినా రికంకూ సింగ్ పదకొండు పరుగులు, శ్రేయస్ అయ్యర్ 33 పరుగులు చేశాడు. వెంకటేశ్ అయ్యర్ 26 పరుగులు చేసి జట్టుకు విజయాన్ని అందించాడు. ఏడు వికెట్ల తేడాతో కోల్‌ కత్తా నైట్ రైడర్స్ విజయం సాధించింది. దీంతో కోల్‌కత్తా నైట్ రైడర్స్ ప్లేఆఫ్ కు మార్గం సుగమం చేసుకోగా, ఢిల్లీ దాదాపు ప్లేఆఫ్ కు చేరుకోవడం కష‌్టమేనని చెప్పాలి.