IPL 2024 : ఈ సీజన్ లో కావ్య మారన్ అదృష్ట రేఖ జెర్రిగొడ్డులా ఉందట.. జ్యోతిష్యాలు నిజమవుతాయా?

అయితే ఆరంభంలో కొంత తడబడినా ఆ తర్వాత తేరుకుని ఎన్నడూ లేని విధంగా ఆడగలిగింది. అవతల జట్టు ఏదని చూడలేదు. బాదుడే పనిగా పెట్టుకుంది. ముంబయి ఇండియన్స్ పై 277 పరుగులు చేసింది. బెంగళూరు రాయల్ ఛాలెంజర్స్ పై 287 పరుగులు చేసింది. ఇంకా ఈ టీం ఈ సీజన్ లోనే వంద సిక్స్ లు పైగానే కొట్టిందంటే చూడాలి ఇక. హెడ్, అభిషేక్ శర్మ, త్రిపాఠి, క్లాసెన్, నితీష్ కుమార్ రెడ్డి, సమద్, షాబాజ్ అందరూ హిట్టర్లే కావడంతో రికార్డుల మోత మోగించింది. చూసేవారికి కూడా ఆశ్చర్యంకలిగించేలా అదరగొట్టేలా ఈ సీజన్ లో సన్ రైజర్స్ హైదరాబాద్ ఆడింది. అందుకు కమిన్స్ నాయకత్వంతో పాటు సమిష్టిగా ఆటగాళ్లు రాణించడమే ముఖ్య కారణంగా చెప్పాలి.

ఇక శుక్రవారం జరిగిన చివరి క్వాలిఫయిర్ మ్యాచ్ లో తొలుత బ్యాటింగ్ చేసిన సన్ రైజర్స్ హైదరాబాద్ బ్యాటర్లు తడబడటం చూసి జట్టు యజమాని కావ్యమారన్ మొహంలో నెత్తుటి చుక్కలేదంటే నమ్మాలి. సన్ రైజర్స్ ఆటగాడు అవుటయినప్పుడల్లా కెమెరాలు ఆమె ఫీలింగ్స్ ను క్యాచ్ చేయడానికి ఫస్ట్ ప్రయారిటీ ఇచ్చాయంటే అతిశయోక్తి కాదు. కావ్యమారన్ కూడా ఈ మ్యాచ్ పై ఆశలు వదులుకున్నట్లే కనిపించింది. అనుకున్న స్కోరు రాకపోవడంతో కేవలం 175 పరుగులకే అవుట్ కావడంతో ఇక ఫైనల్స్ కు వెళ్లలేమని ఆమె డిసైడ్ అయింది. ఆ తర్వాత రాజస్థాన్ రాయల్స్ వికెట్లు వరసగా పడిపోతుండటంతో ఆమె ముఖంలో తేజస్సు కనిపించింది. గెలుపు మన ఇంటి తలుపు తడుతుందని భావించి ఇక హుషారుగా ఎగిరి గంతులే వేసింది. వికెట్ పడినప్పుడల్లా ఆమె ఉత్సాహాన్ని చూసిన వారికి ఎవరికైనా ఈ సీజన్ లో కావ్యమారన్ కు అదృష్టం మామూలుగా లేదు అని వ్యాఖ్యానించడం మాత్రం ఖచ్చితంగా జరిగి ఉంటుంది.