IPL 2024 : అనుకున్నామని జరగవు అన్నీ.. అదే ఐపీఎల్.. అదే చెన్నై ఓటమి

నిన్న చెన్నైలో జరిగిన పంజాబ్ కింగ్స్, చెన్నై సూపర్ కింగ్స్ మ్యాచ్ లో చివరకు పంజాబ్ నే విజయం వరించింది. మొదట బ్యాటింగ్ చేసిన చెన్నై జట్టు తన సొంత మైదానంలో అతి తక్కువ స్కోరుకే అవుట్ అయింది. ఇరవై ఓవర్లకు ఏడు వికెట్లు కోల్పోయి 162 పరుగులు మాత్రమే చేసింది. రహానే 29 పరుగులు చేసి అవుటయ్యాడు. రుతురాజ్ ఒక్కడే మరోసారి కెప్టెన్ ఇన్నింగ్స్ ఆడాడు. రుతురాజ్ గైక్వాడ్ 62 పరుగులు చేశాడు. శివమ్ దూబే డకౌట్ అయ్యాడు. జడేజా రెండు పరుగులకే వెనుదిరిగి నిరాశపర్చాడు. రిజ్వి 21 పరుగులు, మొయిన్ ఆలీ 15, ధోనీ 14 పరుగులు చేసి జట్టుకు ఆ మాత్రం స్కోరును అందించారు.

అయితే ఇది అటు పెద్ద స్కోరు కాదు.. ఇటు చిన్న స్కోరు కాదు.. పంజాబ్ ను నిలువరించడం పెద్ద పని కాదన్న అభిప్రాయంలో చెన్నై ఫ్యాన్స్ స్టేడియంలో కూర్చున్నారు. కానీ మన ఊహలకు అతీతంగా జరిగితేనే కదా? అది ఐపీఎల్ అయితే పంజాబ్ జట్టుకు చెన్నై చెక్ పెట్టలేకపోయింది. 163 పరుగుల లక్ష్యసాధనలో ప్రభ్ సిబ్రాన్ 13 పరుగులకే అవుటయ్యాడు. బెయర్ స్టో 46 పరుగుుల చేశాడు. రోసో 43 పరుగులు చేశాడు. శశాంక్ 25 పరుగులు చేసి నాటౌట్ గా నిలిచాడు. సామ్ కరన్ 26 పరుగులు చేసి జట్టుకు విజయం అందించాడు. చివరకు పంజాబ్ ప్లే ఆఫ్ ఆశలను సజీవంగా ఉంచుకుంది. దీంతో చెన్నై పాయింట్ల పట్టికలో కిందకు పడిపోయింది.