మీ గూగుల్ అకౌంట్ డిలీట్ అయిపోయే అవకాశం ఉందేమో.. జర జాగ్రత్త

గూగుల్ అకౌంట్స్.. మన ప్రొఫెషన్ లైఫ్ లోనూ, పర్సనల్ లైఫ్ లోనూ చాలా వినియోగిస్తూ ఉంటాం. అలాంటి మీ గూగుల్ అకౌంట్స్ డిలీట్ అయ్యే అవకాశం ఉంది. మిమ్మల్ని, మీ వ్యక్తిగత సమాచారాన్ని సురక్షితంగా ఉంచడానికి Google తీవ్రంగా కృషి చేస్తూ ఉంది. ముఖ్యంగా మీ వ్యక్తిగత డేటాను, వాటితో అనుసంధానించిన ఏదైనా డేటాను చాలా కాలం గూగుల్ లో నిల్వ చేసుకోవచ్చు. బలమైన గోప్యతా పద్ధతులను కూడా గూగుల్ కలిగి ఉంది. అయితే మీరు మీ గూగుల్‌ అకౌంట్‌ను కోల్పోయే అవకాశం ఉంది. ఎందుకంటే మీరు మీ గూగుల్ అకౌంట్ ను అసలు వాడకపోయినా.. రెండేళ్లుగా లాగిన్ అవ్వకపోయినా.. ఆ అకౌంట్ శాశ్వతంగా డిలీట్‌ అయిపోతుంది. ఇందుకు సంబంధించి కొత్త పాలసీని 2023 డిసెంబర్‌ 1 నుంచి గూగుల్‌ అందుబాటులోకి తెస్తోంది. దీనికి సంబంధించిన వివరాలన్నీ తెలియజేస్తూ గూగుల్‌ తన యూజర్లందరికీ మెయిల్స్‌ పంపింది.