ఎన్టీవీ రిపోర్టర్ జమీర్ గల్లంతు
భారీ వర్షాలు, వరదలను కవర్ చేయడానికి వెళ్లిన ఎన్టీవీ రిపోర్టర్ జమీర్ గల్లంతు
భారీ వర్షాలు, వరదలను కవర్ చేయడానికి వెళ్లిన ఎన్టీవీ రిపోర్టర్ జమీర్ గల్లంతయ్యారు. జగిత్యాల రిపోర్టర్ గా పని చేస్తున్న జమీర్ కారులో రిపోర్టింగ్ కు బయల్దేరారు. భారీ వరదల నేపథ్యంలో కారు వరదలో చిక్కుకుంది. ఆ తర్వాత వరద ప్రవాహం మరింత పెరగడంతో కారు కొట్టుకుపోయింది. కుర్రులో చిక్కుకుపోయిన వ్యవసాయ కార్మికుల రెస్క్యూ ఆపరేషన్ ను కవర్ చేసి వస్తున్న క్రమంలో ఆయన గల్లంతయ్యారు. మరోవైపు జమీర్ కోసం గాలింపు చర్యలు జరుగుతున్నాయి.
వివరాల ప్రకారం గోదావరి నది నీటిమట్టం పెరగడంతో గ్రామంలో చిక్కుకుపోయిన 9 మంది రైతు కూలీల గురించి సమాచారం ఇచ్చేందుకు జమీర్, సయ్యద్ రియాజ్ అలీలు కారులో గ్రామానికి వెళ్లారు. తిరిగి వస్తుండగా రామోజీపేట వద్ద మార్గాన్ని మళ్లించి రామోజీపేట ఎస్సీ కాలనీ మీదుగా బూపతిపూర్ ఎస్సీ కాలనీకి షార్ట్ కట్లో వెళ్లాడు. వరద ముంపునకు గురై రోడ్డు దాటేందుకు ప్రయత్నించగా అతడి కారు కొట్టుకుపోయింది. రియాజ్ అలీ తప్పించుకుని గ్రామంలోకి పరుగెత్తినప్పటికీ, జమీర్ ఇప్పటికీ కనిపించలేదు. ప్రస్తుతం బృందాలు, గ్రామస్తులు రిపోర్టర్ కోసం వెతుకుతున్నారు.