విజయనగరం బాంబు పేలుళ్ల కుట్రకేసులో పురోగతి... విదేశాలకు పారిపోతుండగా?

విజయనగరం బాంబు పేలుళ్ల కుట్ర కేసులో ఎన్ఐఏ దర్యాప్తులో వేగం పెంచింది. ఉగ్రవాద మూలాలున్న సమీర్, సిరాజ్ ల విచారణలో హైదరాబాద్, వరంగల్, విజయనగరం, బెంగళూరు నగరాల్లో బాంబు పేలుళ్లకు పాల్పడాలని కుట్ర చేసినట్లు వెల్లడయింది. విదేశాల నుంచి నిధులు వీరికి అందినట్లు కూడా దర్యాప్తులో వెల్లడి కావడంతో ఈ కేసును ఎన్ఐఏ కు అప్పగించాలని కేంద్ర హోంశాఖ ఉత్తర్వులు జారీ చేసింది. విజయనగరంలో ఉంటూ దేశ వ్యాప్తంగా బాంబు పేలుళ్లకు కుట్రపన్నిన ఈ ఇద్దరిని అదుపులోకి తీసుకుని ఢిల్లీకి వెళ్లి విచారిస్తే మరికొన్ని విషయాలు బయటపడే అవకాశాలున్నాయని ఎన్ఐఏ అధికారులు భావిస్తున్నారు. ప్రస్తుతం ఈ కేసులో నిందితులు సమీర్, సిరాజ్ లు విశాఖపట్నం సెంట్రల్ జైలులో రిమాండ్ ఖైదీ గా ఉన్నారు. అహిం పేరుతో ఒక సంస్థ ఏర్పాటు చేసి బాంబు పేలుళ్ల కుట్రకు ప్లాన్ చేశారని దర్యాప్తుల్లో వెల్లడయింది.

సమీర్ పలుమార్లు ఢిల్లీ, ముంబయివెళ్లి రావడంతోపాటు సౌదీ నుంచి నిధులు సిరాజ్ కు అందడంతో ఈ దర్యాప్తును ఎన్ఐఏ దర్యాప్తు చేస్తోంది. అయితే తాజాగా ఈ కేసులో తాజాగా బీహార్ కు చెందిన ఆరిఫ్ హుస్సేన్ అలలియాస్ అబు తాలిబ్ విదేశాలకు పారిపోతుండగా ఢిల్లీలోని ఇందిరాగాంధీ అంతర్జాతీయ విమానాశ్రయంలో అదుపులోకి తీసుకున్నారు. సమీర్, సిరాజ్ లతో నిరంతరం ఆరిఫ్ హుస్సేన్ వాట్సప్ లో చేస్తూనే ఉన్నాడని ఎన్ఐఏ విచారణలో వెల్లడయింది. అలాగే ఆరిఫ్ హుస్సేన్ దేశంలోని పలు ప్రాంతాలకు కూడా ఆరిఫ్ హుస్సేన్ ఆయుధాలను సరఫరా చేసినట్లు తేలడంతో అతనిని ఎన్ఐఏ అధికారులు అదుపులోకి తీసుకుని ప్రశ్నిస్తున్నారు. ఇంకా అనేక మంది ఈ కేసులో భాగస్వామ్యులయినట్లు గుర్తించిన ఎన్ఐఏ అధికారులు ఆ దిశగా విచారణను ముమ్మరం చేశారు.