Rain Alert : ఏపీలో మొదలయిన వర్షం.. నీట మునిగిన సిక్కోలు

బంగాళాఖాతంలో ఉపరితల ఆవర్తనంతో ఆంధ్రప్రదేశ్ లో రెండ్రోజుల పాటు వర్షాలు పడతాయని విశాఖ వాతావరణ శాఖ తెలిపింది. ఈరోజు ఉత్తరాంధ్రలో అక్కడక్కడ మోస్తరు నుంచి భారీ వర్షాలకు అవకాశం ఉందని తెలిపింది. మిగతా జిల్లాల్లో తేలికపాటి నుంచి మోస్తరు వర్షాలు కురిసే అవకాశం ఉందని పేర్కంది. ఈరోజు శ్రీకాకుళం, విజయనగరం, పార్వతీపురం జిల్లాలకు భారీ వర్ష సూచన చేస్తూ అలెర్ట్ జారీ చేసింది. ఇప్పటికే శ్రీకాకుళం జిల్లాలో భారీ వర్షాలు మొదలయ్యాయి.ఈరోజు విశాఖ, అల్లూరి, అనకాపల్లి జిల్లాలకు మోస్తరు నుంచి భారీ వర్ష సూచన చేయడంతో అధికారులు అప్రమత్తమయ్యారు.