BJP : జీవీఎల్ పేరు పరిశీలనలో ఉందటగా.. అదే జరిగితే?

ప్రత్యక్ష ఎన్నికల్లో పోటీ చేయాలన్నా...

జీవీఎల్ నరసింహారావు గత ఎన్నికల్లో విశాఖనుంచి పోటీ చేయాలని భావించారు. అంతకు ముందు ఆయన ఉత్తరప్రదేశ్ నుంచి రాజ్యసభకు ప్రాతినిధ్యం వహించారు. ఆయన పదవీ కాలం ముగియడంతో మొన్నటి ఎన్నికల్లో ప్రత్యక్ష ఎన్నికల్లో పోటీ చేయాలని భావించారు. అందుకు విశాఖ తనకు సరైన వేదిక అని భావించి అక్కడే నివాసం ఏర్పాటు చేసుకుని, కార్యక్రమాలకు శ్రీకారం చుట్టారు. కానీ పొత్తులో భాగంగా మొన్నటి ఎన్నికల్లో విశాఖ పార్లమెంటు స్థానం టీడీపీకి వెళ్లిపోయింది. ఇప్పటి వరకూ జీవీఎల్ నరసింహారావు కు రాజ్యసభ పదవి కూడా దక్కలేదు. త్వరలో ఏపీ నుంచి ఖాళీ అయ్యే రాజ్యసభ పదవుల్లో జీవీఎల్ నరసింహారావు పేరు నామినేట్ చేసే ఆలోచనల్లో బీజేపీ పెద్దలు ఉన్నారని తెలిసింది.

త్వరలో ఖాళీ అయ్యే...

త్వరలోనే ఆంధ్రప్రదేశ్ లో రాజ్యసభ స్థానాలు ఖాళీ అవుతున్నాయి. అందులో ఒకటి ఖచ్చితంగా కూటమిలో మిత్రపక్షమైన బీజేపీకి ఒకటి తప్పనిసరిగా లభిస్తుంది. ఈసారి రాజ్యసభ పదవికి జీవీఎల్ నరసింహారావును నామినేట్ చేయడానికి బీజేపీ కేంద్ర నాయకత్వం కూడా సుముఖంగా ఉన్నట్లు సమాచారం.ఏపీలో సీనియర్ నేతగా ఉన్న జీవీఎల్ నరసింహారావు ను రాజ్యసభకు పంపితే ఇటు రాష్ట్రంలోనూ, అటు కేంద్రంలోనూ తమ బలంపెరిగే అవకాశాలున్నాయన్న అంచనాల్లో ఉంది. అందుకే ముందుగా దక్షిణాది రాష్ట్రాల సమన్వయకర్తగా బీజేపీ కేంద్ర నాయకత్వం జీవీఎల్ నరసింహారావును నియమించినట్లు పార్టీలో ప్రచారం జరుగుతుంది. ఇందులో నిజమెంత అన్నది తెలియాల్సి ఉంది.