Andhra Pradesh : ఆంధ్రప్రదేశ్ ప్రభుత్వం రైతులకు గుడ్ న్యూస్

మొత్తం పెండింగ్ దరఖాస్తులు 46,113 ఉన్నాయని అధికారులు తెలిపారు. వీటన్నింటికి విద్యుత్తు కనెక్షన్లు ఇవ్వాలంటే వ్యయం 250 కోట్ల రూపాయలు అవుతుందని అంచనా. రాష్ట్రంలో మొత్తం వ్యవసాయ కనెక్షన్లు 22.30 లక్షలుండగా, కొత్తగా ఇప్పటికే ఇచ్చిన కనెక్షన్లు 1.12 లక్షలున్నాయని అధికారులు తెలిపారు. పెండింగ్ విద్యుత్తు కనెక్షన్లను క్లియర్ చేయడానికి మరో 10,000 ట్రాన్స్‌ఫార్మర్లు అవసరమని, విద్యుత్ శాఖ మంత్రి రెండు నెలల్లో పెండింగ్ కనెక్షన్లు పూర్తి చేయాలని డిస్కంలకు ఆదేశించారు. ఈ నిర్ణయంతో సాగు సీజన్‌కు ముందే వేలాది రైతులకు విద్యుత్ సౌకర్యం లభించే అవకాశం ఉంది.