IPL 2024 : గిల్ ఆడితే అంతే మరి.. ఎంతటి స్కోరు అయినా అలా చేతికి అందిరావాల్సిందే

తొలుత బ్యాటింగ్ చేసిన రాజస్థాన్ రాయల్స్ 197 పరుగుల భారీ లక్ష్యాన్ని గుజరాత్ టైటాన్స్ ముందు ఉంచింది. యశస్వి జైశ్వాల్ కొద్ది సేపు మెరుపులు మెరిపించినా 24 పరుగుల వద్ద అవుట్ అయ్యాడు. బట్లర్ ఎనిమిది పరుగులకే వెనుదిరిగాడు. దీంతో రాజస్థాన్ జట్టు ఏ మంత స్కోరు చేస్తుందని అందరూ అనుకున్నా కెప్టెన్ సంజూ శాంసన్, పరాగ్ లు నిలబడి ఆడి జట్టుకు మంచి స్కోరును అందించారు. నంజు శాంసన్ 68 పరుగులు చేసిన నాటౌట్ గా నిలిచాడు. పరాగ్ 76 పరుగులు చేసి అవుటయినా ఆ తర్వాత వచిన హెట్‌మయర్ పదమూడు పరుగులు జోడించి జట్టుకు 197 భారీ స్కోరు అందించారు. రాయల్స్ ఫ్యాన్స్ ఆనందంతో స్టేడియంలో చిందులు వేశారు.

అయితే తర్వాత ఛేదనలో బరిలోకి దిగిన గుజరాత్ టైటాన్స్ ఆది నుంచి కొంత దూకూడుగానే ఆడారు. సాయి సుదర్శన్ ఎప్పటి లాగానే మంచి షాట్లతో అలరించాడు. 35 పరుగులు చేససి అవుట్ అయ్యాడు. ఇక మరో ఓపెనర్ శుభమన్ గిల్ 72 పరుగుల చేసి కెప్టెన్ ఇన్నింగ్స్ ఆడాడు. వేడ్, తెవాతియా, రషీద్ లు కూడా పరుగులు స్కోరుకు జోడించడంతో విజయం సాధ్యమయింది. ఇరవై ఓవర్లలో ఏడు వికెట్లు కోల్పోయి గుజరాత్ టైటాన్స్ 199 పరుగులు చేసింది. దీంతో టైటాన్స్ మరొక సారి ప్రత్యర్థిపై పై చేయి సాధించింది