IPL 2024 : అదృష్టం ఆఖరి నిమిషంలో ముఖం చాటేసింది.. పాపం వాళ్లు మాత్రం ఏం చేస్తారులే?

ఐపీఎల్ అంటే అనుకున్నది అనుకున్నట్లు జరగదు. మైదానంలో ఆరోజు ఎవరిది పై చేయి అయితే వారిదే విజయం. అందులో ఇది టీ 20కి మించిన టెన్షన్.. అభిమానుల నుంచి వత్తిడి అధికం. అన్నీ వెరసి ఆటగాళ్ల పెర్‌ఫార్మెన్స్ పై ప్రభావం చూపుతాయి. ఈ ఏడాది ఐపీఎల్ సీజన్ లోనూ అదే జరిగింది. రాయల్ ఛాలెంజర్స్ బెంగళూరు జట్టు పుంజుకుందని అందరూ భావించారు. అందరూ ఫుల్లు ఫామ్ లోకి వచ్చిన తర్వాత ఇక ఆ జట్టును ఆపేది ఎవరంటూ విశ్లేషకులు సయితం అభిప్రాయపడ్డారు. ఎక్కువ మంది రాయల్ ఛాలెంజర్స్ బెంగళూరు గెలుస్తుందని భావించారు. కానీ అనుకున్నది అనుకున్నట్లు.. అంచనా వేసినట్లు జరిగితే అది ఐపీఎల్ ఎందుకవుతుంది? అందుకే ఈసారి కూడా రాయల్ ఛాలెంజర్స్ బెంగళూరుకు పరాజయం తప్పలేదు. ఫైనల్స్ కు చేరకుండానే తన కధను ముగించాల్సి వచ్చింది. రాజస్థాన్ రాయల్స్ పై రాయల్ ఛాలెంజర్స్ బెంగళూరు ఓటమి పాలయింది.