IPL 2024 : నిజంగానే జెర్సీ మార్చగానే అదృష్టం మామూలుగా పట్టలేదుగా.. లేదంటే ఈ విజయాలేంటి?

తొలుత బ్యాటింగ్ చేసిన జట్టు ఉప్పల్ స్టేడియంలో ఊదిపారేస్తుందని భావిస్తే పెద్దగా రన్స్ చేయలేకపోయింది. సన్ రైజర్స్ బౌలర్లు కట్టడితో బౌలర్లు చేశారు. చెన్నై సూపర్ కింగ్స్ లో ఒక శివమ్ దూబే ఒక్కడే చెలరేగి ఆడాడు. శివమ్ దూబే నలభై ఐదు పరుగులు చేశాడు. దూబే అవుట్ అయిన తర్వాత స్కోరు నత్తనడకన సాగింది. తర్వాత రహానే 35 పరుగులు చేసి పరవాలేదనిపించాడు. చివరిలో వచ్చిన జడేజా నాటౌట్ గా నిలిచి 31 పరుగులు చేశాడు. అయితే మొత్తం ఇరవై ఓవర్లలో ఐదు వికెట్లు కోల్పోయి 165 పరుగులు మాత్రమే చేయగలిగింది. ఈ స్కోరు ను చూసిన వాళ్లకు ఎవరైనా ఐపీఎల్ లో ఇది పెద్దస్కోరు కాదని తెలుసు. కానీ చెన్నై సూపర్ కింగ్స్ మాయ చేస్తారేమోనని భావించారు.

కానీ ఏ మాయ జరగలేదు. ఈ మంత్రమూ పనిచేయలేదు. ఓపెనర్లుగా దిగిన హెడ్, అభిషేక్ శర్మ కొద్దిసేపు జట్టు స్కోరును పరుగులు తీయించారు. హెడ్ 31, అభిషేక్ శర్మ 37 పరుగులు చేశారు. అప్పుడే సన్ రైజర్స్ విజయంపై ఎవరికీ డౌట్ కలగలేదు. మార్‌క్రమ్ అర్ధసెంచరీ పూర్తి చేసి రైజర్స్ కు విజయాన్ని అందించాడు. దీంతో ఆరు వికెట్ల తేడాతో చెన్నై సూపర్ కింగ్స్ మీద సన్ రైజర్స్ హైదరాబాద్ విజయం సాధించింది. కేవలం 18.1 ఓవర్లలోనే కధను ముగించారు. ఇంతటి సునాయాస విజయాన్ని ఎవరూ ఊహించలేదు. చెన్నై సూపర్ కింగ్స్ ఈ సీజన్ లో వరసగా ఢిల్లీ కాపిటల్స్, సన్ రైజర్స్ పై ఓటమి పాలు కావడంతో దాని అభిమానులు నిరాశలో మునిగిపోయారు.