చిన్నమ్మకు కొత్త సీఎం గిఫ్ట్ ఇదే...

చిన్నమ్మ ప్రాణాలకు ముప్పు ఉందట...

బెంగళూరు పరప్పణ అగ్రహారం జైలులో చిన్నమ్మ ప్రాణాలకు ముప్పు ఉందని సమాచారం ఉందట. ఈమేరకు ఇప్పటికే స్పెషల్ కోర్టులో చిన్నమ్మ తరుపు న్యాయవాదులు పిటిషన్ దాఖలు చేశారు. చిన్నమ్మను ఎలాగైనా చెన్నైకి రప్పించాలని పళనిస్వామి బ్యాచ్ భావిస్తున్నారు. ఆమెను బెంగళూరు జైలులో సాధారణ ఖైదీ లాగా చూడటం, ప్రత్యేక సౌకర్యాలు కల్పించకపోవడంపై మన్నార్ గుడి బ్యాచ్ కూడా కుమిలిపోతోంది. వీలయినంత తొందరగా చిన్నమ్మను చెన్నైకి తీసుకురావాలన్నది వారి లక్ష్యంగా కన్పిస్తోంది. ఇది పళనిస్వామి తొలి టార్గెట్. త్వరలో కర్ణాటక ముఖ్యమంత్రి సిద్ధరామయ్యతో పళనిభేటీ అయి ఈ విషయంపై చర్చించనున్నారు. రాష్ట్ర ప్రభుత్వం చిన్నమ్మ భద్రతను తాము పరిరక్షించలేకపోతున్నామని చెబితే న్యాయస్థానం సులువుగా శశికళను చెన్నై జైలుకు మార్చే అవకాశముందంటున్నారు నిపుణులు. అందుకే ఆ దిశగా పళని పావులు కదుపుతున్నారు. తనను ముఖ్యమంత్రి ని చేసిన చిన్నమ్మను ఎలాగైనా చెన్నైకి తీసుకురావాలని పళని ప్రయత్నాలు చేస్తున్నారు. అయితే న్యాయస్థానం ఇందుకు అంగీరిస్తుందా? లేదా? అన్నది చూడాలి. గతంలో జయలలిత కూడా ఇదే ప్రయత్నం చేసి భంగపడినట్లు న్యాయవాదులు చెబుతున్నారు. చిన్నమ్మ చెన్నైకి రాకుంటే...పళనిస్వామికి చెన్నై టు బెంగళూరు పర్యటనలు తప్పవు.