జగన్ ప్రమాణస్వీకారం చేసేది అక్కడే..!

ఆంధ్రప్రదేశ్ ముఖ్యమంత్రిగా వైఎస్సార్ కాంగ్రెస్ పార్టీ అధినేత వై.ఎస్. జగన్మోహన్ రెడ్డి ప్రమాణస్వీకారానికి వేదిక ఖరారైంది. ఆయన ప్రమాణస్వీకార ఏర్పాట్లపై శనివారం ప్రభుత్వ ప్రధానకార్యదర్శి ఎల్వీ సుబ్రహ్మణ్యం అధికారులతో సమీక్ష జరిపారు. డీజీపీ ఠాకూర్, సీఆర్డీఏ కమిషనర్, ఇతర ఉన్నతాధికారులు ఈ సమవేశంలో పాల్గొన్నారు. విజయవాడ బందరు రోడ్డులోని ఇందిరా గాంధీ స్టేడియాన్ని ప్రమాణ స్వీకారానికి వేదికగా ఖరారు చేశారు. ఈ స్టేడియం కేపాసిటీ 50 వేలు. ఈ నెల 30వ తేదీ ఉదయం 10.30 గంటల నుంచి 11.00 వరకు జగన్ ప్రమాణస్వీకార కార్యక్రమం జరగనుంది.