దిగివచ్చిన హైకమాండ్

కాంగ్రెస్ హైకమాండ్ జీ 23 నేతల డిమాండ్లకు ఓకే చెప్పినట్లు తెలిసింది. త్వరలోనే సోనియా గాంధీ అసంతృప్త నేతలతో సమావేశం కానున్నారు. మొన్నటి వరకూ జీ 23 నేతలను దూరంగా పెట్టిన కాంగ్రెస్ హైకమాండ్ ఐదు రాష్ట్రాల ఎన్నికల ఫలితాల తర్వాత దగ్గరకు తీసుకుంటుండం విశేషం. గులాం నబీ ఆజాద్ ఆధ్వర్యంలోని జీ 23 నేతలు పలు దఫాలు సమావేశమై కాంగ్రెస్ పార్టీ బలోపేతంపై చర్చించారు. కిందిస్థాయి నుంచి సమన్వయం, సమిష్టి నాయకత్వం లేకపోతే కాంగ్రెస్ పార్టీ దేశంలో కోలుకోలేదని జీ 23 నేతలు సూచించారు.