రోజా కాకపోతే విజయ శాంతి

రోజా ప్రస్తుతం ఏపీ రాజకీయాల్లో యాక్టీవ్ పర్సన్. ఎమ్యెల్యే గా ఎపీఐఐసి చైర్ పర్సన్ గా రోజా నగరినే కాదు.. ఏపీ మొత్తం చుట్టేస్తోంది. అయితే రోజా రాజకీయాలతో బిజీ అయినప్పటికీ… జబర్దస్త్ ప్రోగ్రాం తో బుల్లితెర ప్రేక్షకులను అలరిస్తూనే ఉంటుంది. తాజాగా రోజా కి బాలకృష్ణ సినిమాలో ఓ బంపర్ ఆఫర్ వచ్చిందని…. బాలయ్యని సవాల్ చేసే విలన్ పాత్ర తో బోయపాటి రోజాని కలిశాడనే న్యూస్ నడిచింది. అయితే బాలయ్య సినిమాలో రోజా విలన్ అన్నారు కానీ.. రోజా కన్ఫర్మ్ చేసినట్లుగా న్యూస్ లేదు. తాజా సమాచారం ప్రకారం బోయపాటి రోజాని బాలకృష్ణ సినిమా కోసం సంప్రదించగా .. ప్రస్తుతం జబర్దస్త్ తోనే బిజీగా వున్నా…. మరోపక్క రాజకీయాలతో టైం సరిపోవడం లేదు.. కనక బాలయ్య సినిమా చేయలేనని చెప్పిందట.

దానితో రోజాని ఫోర్స్ చెయ్యడం బావుండదని భావించిన బోయపాటి.. రోజా ప్లేస్ లో మరో పవర్ ఫుల్ మాజీ హీరోయిన్ కోసం వేట మొదలెట్టాడట. తాజాగా మహేష్ సినిమాతో సినిమాల్లోకి రీ ఎంట్రీ ఇచ్చిన విజయశాంతి అయితే బాలయ్య మీద సవాల్ విసరడానికి బావుంటుందని యోచనలో బోయపాటి ఉన్నాడట. మరి విజయశాంతి పాత్రలు నచ్చితే సినిమాలు కంటిన్యూ చేస్తానని చెప్పింది. ఒకవేళ బోయపాటి చెప్పిన రోల్ గనక నచ్చితే.. బాలయ్య సినిమా లో విజయ్ శాంతి విలన్ రోల్ కి ఓకె చెబుతుందనే నమ్మకంగా ఉన్నారట.