Gold Prices Today : మళ్లీ షాకిచ్చిన బంగారం ధరలు.. ఎంత పెరిగాయో తెలిస్తే?

బంగారం, వెండి ధరలు ఇటీవల కొంత తగ్గుతుండటంతో జ్యుయలరీ దుకాణాలకు ఇప్పటిప్పుడే కొనుగోలు దారులు వస్తున్నారు. నిన్నటి వరకూ వెలవెల బోయిన బంగారు దుకాణాలు కొద్ది రోజుల నుంచి కళకళ లాడుతున్నాయి. అయితే ఇంకా పూర్తిగా ధరలు తగ్గలేదని అంటున్నప్పటికీ అవసరానికి కావాల్సిన వాళ్లు, పెళ్లి ముహూర్తాలు ఫిక్స్ అయిన వారు బంగారం, వెండిని కొనుగోలు చేసేందుకు ముందుకు వస్తున్నారు. అమెరికన్ డాలర్ బలహీనపడినందున బంగారం, వెండి ధరలు మళ్లీ పెరిగే అవకాశముందని చెబుతున్నారు. అలాగే అగ్రరాజ్యం అమెరికాలో ద్రవ్యోల్బణం పెరగడం కూడా వీటి ధరలపై ప్రభావం చూపుతుందని మార్కెట్ నిపుణులు అంచనా వేస్తున్నారు.

పెళ్లిళ్ల సీజన్ ఈ నెల 18వ తేదీ నుంచి ప్రారంభం కానుంది. ఇక అప్పటి నుంచి బంగారం, వెండి వస్తువుల కొనుగోళ్లు మరింత పెరుగతాయి. ధరలు కూడా పెరిగే అవకాశముందని అంటున్నారు. ఈరోజు దేశంలో బంగారం ధరలు భారీగా పెరిగాయి. వెండి ధరలు మాత్రం స్థిరంగా కొనసాగుతున్నాయి. పది గ్రాముల బంగారం ధర పై దాదాపు రెండు వేల రూపాయలు పెరిగింది. ఉదయం ఆరు గంటలకు హైదరాబాద్ బులియన్ మార్కెట్ లో నమోదయిన బంగారం, వెండి ధరలు ఇలా ఉన్నాయి. 22 క్యారెట్ల పది గ్రాముల బంగారం ధర 1,44,600 రూపాయలుగా నమోదయింది. 24 క్యారెట్ల పది గ్రాముల బంగారం ధర 1,57,750 రూపాయలకు చేరుకుంది. కిలో వెండి ధర 2,80,000 రూపాయల వద్ద ట్రేడ్ అవుతుంది.