Road Accident : కావేరి ట్రావెల్స్ బస్సు యాక్సిడెంట్.. ముగ్గురి పరిస్థితి విషమం
ఆంధ్రప్రదేశ్ లో మరో రోడ్డు ప్రమాదం జరిగింది. లారీని ప్రైవేటు ట్రావెల్స్ బస్సు ఢీకొట్టింది
ఆంధ్రప్రదేశ్ లో మరో రోడ్డు ప్రమాదం జరిగింది. లారీని ప్రైవేటు ట్రావెల్స్ బస్సు ఢీకొట్టింది. ఎన్టీఆర్ జిల్లా నందిగామ శివారులో రోడ్డు ప్రమాదం జరిగింది. హైదరాబాద్ నుంచి విశాఖపట్నం వెళ్తున్న కావేరీ ట్రావెల్స్ బస్సు లారీని ఢీకొట్టింది. అయితే ఈ ప్రమాదానికి కారణం ప్రయివేటు ట్రావెల్స్ బస్సు డ్రైవర్ దేనని పోలీసులు ప్రాధమికంగా నిర్ధారించారు.
ఓవర్ టేక్ చేయబోయి...
లారీని ఓవర్ టేక్ చేయబోయి మరో లారీని ఢీకొట్టిన ట్రావెల్స్ బస్సు ఈ ప్రమాదానికి గురయిందని పోలీసులు తెలిపారు. ప్రమాద తీవ్రతకు బస్సు ఎడమ భాగం నుజ్జు నుజ్జు అయంది. రోడ్డు ప్రమాదంలో పలువురికి గాయాలయ్యాయి. గాయపడిన వారిలో ముగ్గురు పరిస్థితి విషమంగా మారింది. పోలీసులు కేసు నమోదు చేసుకుని దర్యాప్తు చేస్తున్నారు.