ముఖ్యమంత్రి కేసీఆర్ కు ప్రమాదం తప్పింది. కరీంనగర్ పర్యటనలో ఉన్న ముఖ్యమంత్రి కేసీఆర్ హెలికాప్టర్ లో కి ఎక్కారు. అయితే హెలికాప్టర్ ల్యాండ్ అయిన తర్వాత హెలికాప్టర్ లో ఉన్న ఒక బ్యాగు నుంచి పొగలు వచ్చాయి. వెంటనే ఒక అధికారి ఆ బ్యాగ్ ను దూరంగా తీసుకెళ్లి పడేసి వచ్చారు. అయితే ఆ బ్యాగును పరిశీలించగా అందులో భద్రతా సిబ్బంది వినియోగించే వైర్ లెస్ సెట్ ఉన్నట్లు తేలింది. హెలికాప్టర్ గాల్లో ఉండగా పొగలు వస్తే పరిస్థితి ఏంటని కొందరు ప్రశ్నిస్తున్నారు. అయితే ఈ విషయం తెలుసుకున్న మంత్రి కేటీఆర్ ఆల్ ఈజ్ వెల్ అని ట్వీట్ చేశారు. ముఖ్యమంత్రి కేసీఆర్ సురక్షితంగా ఉన్నారని కేటీఆర్ తెలిపారు. ప్రస్తుతం ముఖ్యమంత్రి కేసీఆర్ ఆదిలాబాద్ జిల్లాలో పర్యటిస్తున్నారు.