వీడియో లీక్… చిక్కుల్లో కుమారస్వామి

కర్ణాటక ముఖ్యమంత్రి కుమారస్వామి చిక్కుల్లో పడ్డారు. ఆయన ఫోన్ మాట్లాడుతుండగా రికార్డు చేసిన ఓ వీడియో క్లిప్పింగ్ ఇప్పుడు వైరల్ గా మారింది. జేడీఎస్ నేత ప్రకాశ్ ను హత్య చేసిన వారిని నిర్దాక్షిణ్యంగా చంపేయాలని, షూటౌట్ చేసేయాలని ఆయన ఎవరికో ఫోన్ లో చెప్పారు. ఇప్పుడు ఈ వీడియో బయటకు రావడం కలకలం రేపుతోంది. అయితే, తమ నాయకుడు ప్రకాశ్ ను చంపారన్న భావోద్వేగంతోనే మాట్లాడాను కానీ కావాలని మాట్లాడలేదని కుమారస్వామి అంటున్నారు. ఇక కుమారస్వామి వ్యాఖ్యలపై విపక్షాలు మండిపడుతున్నాయి. కుమారస్వామి ఒక ముఖ్యమంత్రిగా వ్యవహరించలేదని బీజేపీ ఆరోపించింది.